बीड : देशासहित राज्यातील ११ लोकसभा मतदारसंघात मतदान सुरु आहे. या मतदारसंघातील मतदार सकाळी ७ वाजल्यापासून मतदानासाठी घराबाहेर पडले आहेत. आज सोमवारी बीडमध्येही मतदान सुरु आहे. या लोकसभा मतदारसंघात महायुतीकडून पंकजा मुंडे रिंगणात आहेत. बीड लोकसभा मतदारसंघातील उमेदवार पंकजा मुंडे यांनी मतदानाच्या दिवशी वडील गोपीनाथ मुंडे यांची आठवण काढली. 'आज बाबा असते तर माझ्यासाठी लढले असते, असं म्हणत पंकजा मुंडे यांनी मतदानाच्या दिवशी भावुक झाल्याचे पाहायला मिळालं.

बीड लोकसभा मतदारसंघात सकाळपासून मतदारसंघासाठी रांगा पाहायला मिळत आहेत. जिल्ह्यात उन्हाचा पारा वाढला असतानाही नागरिक मतदानासाठी घराबाहेर पडताना दिसत आहे. आजच्या मतदानाच्या आधी पंकजा मुंडे असल्याच्या दिसून आल्या. 'आज बाबा असते तर माझ्यासाठी लढले असते. माझ्या पत्रिकेतच संघर्ष लिहिलाय. त्यामुळे राजकारणात सहज मिळालं तर नेता होता येत नाही. त्यामुळे कठीण प्रसंगातून जावं लागतं, असे मुंडे म्हणाल्या.

'मुंडे साहेब शरीराने नसले तरी साहेबांची उर्जा माझ्यात आहे. त्यांचे आशीर्वाद माझ्यासोबत आहेत, अशा त्या पुढे म्हणाल्या.

'शरद पवार हे नेहमी जिल्ह्यात निवडणुकीत येत असतात. ते त्यांच्या उमेदवारीसाठी इथं आले होते. या निवडणुकीत काही प्रश्न असे असतात की, ते अर्ध्या निवडणुकीते वाटोळं करून टाकतात. त्यामुळे माझं जनतेला आवाहन आहे की, मतदानाता टक्का वाढवावा, असेही आवाहन मुंडे यांनी केलं.

पंकजा मुंडे यांनी सहकुटुंब केलं मतदान

बीडमधील भाजपच्या लोकसभेच्या उमेदवार पंकजा मुंडे, मंत्री धनंजय मुंडे, खासदार डॉ. प्रीतम मुंडे , राजर्षी धनंजय मुंडे कुटुंबाने नाथरा या गावात मतदान केलं.