मुंबई : सांताक्रूझ येथून 28 वर्षीय महिला बेपत्ता झाल्यानंतर दहा दिवसांनी तिचा कुजलेला मृतदेह गुरुवारी पालघरमध्ये (Palghar) सापडला. पोलिस ठाण्यात फेऱ्या मारल्यानंतर, कॅरोल पिंकी मिस्क्विट्टाच्या आईला 48 तासांनंतर तक्रार दाखल करता आली. तिने कॅरोलच्या प्रियकराचा या हत्येत सहभाग असल्याचा आरोप केला असता, मुंबई (Mumbai) पोलिसांनी त्याची थोडक्यात चौकशी केल्यानंतर त्याला सोडून दिले. आता पालघर पोलिसांनी प्रियकराला अटक केली आहे. (Palghar Murder News)

हे देखील पहा :

पिंकीच्या हत्येप्रकरणी पोलिसांनी तिचा प्रियकर, 27 वर्षीय गिको मिस्किटा आणि त्याच्या मित्राला अटक केली आहे. पिंकी 24 जानेवारीपासून बेपत्ता असल्याचे पोलिसांनी सांगितले. डॉक्टरांकडे तपासणीसाठी जायचे आहे, असे सांगून ती घरातून निघून गेली होती. पण ती तिथून तिचा प्रियकर गिकोसोबत स्कूटरवर बसून दुसरीकडे निघून गेली.

कॅरोल (Carol Pinky) म्हणून मित्र आणि कुटुंबात अधिक लोकप्रिय असलेली पिंकी 24 जानेवारी रोजी बेपत्ता झाली. मात्र, सांताक्रूझ पोलिसांनी तिची विधवा आई कॅथरीनची तक्रार 26 जानेवारी रोजी स्वीकारली. 26 जानेवारी दिवशी शहर पोलिसांनी निर्भया हेल्पलाइन सुरू केली. हेल्पलाइनच्या उद्घाटनासाठी उशीर झाल्याचे कारण स्थानिक पोलिसांनी दिले.

पालघर (Palghar) पोलिसांच्या सूत्रांनी सांगितले की, कथित मारेकरी झिको मिस्किटा (27) याने पिंकीच्या छातीत वार करून तिच्या अंगावर चाकू सोडला होता. जेजे रुग्णालयात शवविच्छेदनादरम्यान शस्त्र जप्त करण्यात आले.

सूत्रांनी सांगितले की, कॅरोल 24 जानेवारीला रात्री झिकोसोबत तिच्या स्कूटीने पालघरला पोहोचली होती. पालघर पोलिसातील एका अधिकाऱ्याने सांगितले की, “त्यांचे नाते बिघडले होते… मुंबई-अहमदाबाद महामार्गावरील मनोरजवळ या जोडप्याचे शाब्दिक भांडण झाले.

पिंकी 24 जानेवारीला रात्री झिकोसोबत तिच्या स्कूटीने पालघरला पोहोचली होती. दोघेही वाघोबा येथे पोहोचताच त्यांच्यात कशावरून तरी वाद सुरू झाला. पिंकी लग्नासाठी दबाव टाकत होती, असे गिकोने पोलिसांना सांगितले. हे प्रकरण इतके वाढले की, रागाच्या भरात गिकोने पिंकीच्या गळ्यावर चाकूने वार केले. पालघर पोलिसांच्या सूत्रांनी सांगितले की, कथित मारेकरी झिको मिस्किटा (27) याने पिंकीच्या छातीवर वार करून तो चाकू तिच्या छातीत खुपसून ठेवला होता.

त्याचा मित्र देवेंद्र हाही त्याच्यासोबत दुसऱ्या स्कूटरवरून येत होता. हत्येनंतर झिकोने देवेंद्रच्या मदतीने पिंकीचा मृतदेह झुडपाजवळ फेकून दिला आणि लपवून ठेवला. त्यानंतर दोघेही आपापल्या घरी परतले. पिंकी घरी न परतल्याने तिच्या कुटुंबीयांनी तिचा शोध घेण्याचा प्रयत्न केला. ती कुठेच सापडली नाही, तेव्हा दोन दिवसांनी तिने वांद्रे पोलीस ठाण्यात पिंकी हरवल्याची तक्रार नोंदवली.

पिंकीच्या तपासासाठी अनेक पथके

तर, दुसरीकडे वाघोबा येथे या महिलेचा मृतदेह आढळल्याने परिसरात खळबळ उडाली होती. पालघरचे पोलीस अधीक्षक दत्तात्रय शिंदे यांनी महिलेच्या खून प्रकरणाचा उलगडा करण्यासाठी अनेक पथके तयार केली. तपासादरम्यान, पालघर डीवायएसपी नीता पाडवी यांच्या पथकाला समजले की, वांद्रे पोलिस ठाण्यात महिला बेपत्ता झाल्याचा गुन्हा दाखल करण्यात आला आहे. याबाबत पालघर पोलिसांनी वांद्रे पोलिसांशी संपर्क साधला असता, त्या मृतदेहाचे शवविच्छेदन करण्यात आले असता, हा मृतदेह त्याच महिलेचा असल्याचे उघड झाले, जिच्या हरवल्याची तक्रार दाखल करण्यात आली होती.

पोलिसांनी सीसीटीव्ही फुटेज तपासले

यानंतर पोलिसांनी आजूबाजूच्या परिसरातील सीसीटीव्ही फुटेज तपासले असता त्यांना दोन स्कूटरवर तीन जण बसलेले दिसले. पोलिसांनी सीसीटीव्ही फुटेजमध्ये दिसलेल्या महिलेचे कपडे मृताच्या कपड्यांशी जुळवले.

२४ तासांत आरोपीला अटक केली

पोलिसांनी तपास सुरू केला आणि २४ तासांत या दोघांना अटक केली. दोघांनीही लवकरच पोलिसांसमोर गुन्ह्याची कबुली दिली. सध्या पोलीस या दोघांची चौकशी करत आहेत.

तीव्र वादाच्या वेळी, झिकोने कॅरोलला तिच्या गळ्यात पकडले आणि तिचा गळा दाबला. कॅरोलचा गळा दाबल्यानंतर त्याने तिच्यावर चाकूने वार केले. झिकोचे वडील विलेपार्ले येथे केटरिंगचा व्यवसाय करतात. म्हणून, कॅरोलसोबत तिच्या स्कूटीवर जाण्यापूर्वी त्याने त्याच्यासोबत एक चाकू सोबत नेला होता. कॅरोलचा मृत्यू झाल्याचे समजल्यानंतर, झिकोने त्याचा मित्र कुमार देवेंद्र याला बोलावले आणि 25 जानेवारीच्या पहाटे वाघोबा घाटात दोघांनी तिच्या मृतदेहाची विल्हेवाट लावली. विरारचा रहिवासी असलेल्या देवेंद्र (वय 30) हा एक केटरिंग कॉन्ट्रॅक्टर आहे जो झिकोच्या वडिलांना त्यांच्या व्यवसायात फिओना केटरर्स चालवण्यास मदत करतो, असे पोलिसांनी सांगितले.