पालघर : पालघर जिल्ह्यात मागील आठवडाभरापासून मुसळधार पाऊस सुरू आहे. यामुळे पालघर जिल्ह्यातील धरणांच्या पाणी पातळीत देखील मोठी वाढ झाल्याचे पाहण्यास मिळत आहे. यात जिल्ह्यातील सर्वात जास्त पाणी क्षमता असलेल्या सूर्या प्रकल्पाच धामणी धरण ८० टक्के भरले असून या धरणातून सध्या सूर्या नदीत विसर्ग सुरू करण्यात आला आहे. 

मागील आठवडाभरापासून राज्यात पाऊस सुरु आहे. काही भागात जोरदार पाऊस सुरु असल्याने जनजीवन विस्कळीत झाले आहे. तसेच पावसामुळे धरणाच्या पाणी साठ्यात देखील वाढ होत असल्याचे पाहण्यास मिळत आहे. त्यानुसार (Palghar) पालघर जिल्ह्यात मागील आठवड्यापासून सुरु असलेल्या पावसामुळे नदी, नाल्यांना पूर आले आहेत. हे पाणी धरणात जात असल्याने धरणांच्या पाण्याच्या पातळीत देखील वाढ होत आहे. (Dhamani Dam) धामणी धरण देखील ८० टक्के भरले आहे. 

धामणी धरण ८० टक्के भरले असून पाऊस सुरूच (Heavy Rain) असल्याने धरणात पाण्याची आवक सुरूच आहे. यामुळे धरणाचे तीन दरवाजे ४० सेंटीमीटरने उघडण्यात आले असून या धरणातून सध्या ३२०० क्युसेक पाण्याचा विसर्ग सूर्या नदीत सुरू आहे. कवडास आणि धामणी या दोन्ही धरणांमधून सूर्या नदीत २२ हजार क्युसेक पेक्षा अधिक पाण्याचा विसर्ग सुरू असल्याने सूर्या नदीच्या पाणी पातळीत मोठी वाढ झाली आहे. त्यामुळे सूर्या नदीच्या तीरावर असलेल्या ७० पेक्षा अधिक गावांना प्रशासनाकडून सतर्कतेचा इशारा देण्यात आला आहे.