नाशिक: नाशिकमधील ओझर येथे बैलगाडा शर्यत आयोजित करण्यात आली होती. या शर्यतीला पोलिस आणि प्रशासनाची परवानगी नसल्याने मोठा वाद निर्माण झाला होता. अखेर ही बैलगाडा शर्यत रद्द करण्याची वेळ आयोजकांवर आली आहे. (Organized without permission, Corona rule pedestrian, closed by bullock cart race administration in Nashik)

हे देखील पहा -

नाशिकच्या (Nashik) ओझर (Ojhar) मध्ये आयोजित बैलगाडी शर्यतीला पोलीस आणि प्रशासनाची परवानगी नसल्याची माहिती जिल्हाधिकारी सूरज मांढरे यांनी दिली होती. त्यामुळे परवानगी शिवाय शर्यत घेणारे आयोजक अडचणीत आले. शर्यतीसाठी जिल्हाभरतून शेतकरी बैल जोडी आणि घोडे घेऊन दाखल झाले होते. यावेळी शर्यतीतील बैलगाडी अनियंत्रित झाल्यानं अपघातही झाला होता. बैलगाडी शर्यतीदरम्यान बैलजोडी उधळल्याने बाजूला लावलेल्या गाड्यांवर दोन बैल आदळले आणि या दोन्ही बैलांची शिंग गाडीत अडकले यात सुदैवाने कोणीही जखमी झाले नाही. मात्र बैलगाडी शर्यतीच्या ठिकाणी पोलीस दाखल झाले.

शर्यतीसाठी परवानगी घेतलेली नसल्याने पोलिसांनी यात हस्तक्षेप केला. शर्यतीचे आयोजक माजी आमदार अनिल कदम आणि पोलिसांची चर्चा झाली आणि ओझरमधील बैलगाडा शर्यत अखेर बंद करण्यात आली. कोरोनाचे नियम पाळले जात नसल्यानं तसेच प्रशासनानंही बैलगाडा शर्यतीला दिली नसल्याने परवानगी शर्यत ही बंद करण्यात आली. शर्यतीदरम्यान सुरू असलेल्या गोंधळामुळे शर्यत बंद करण्याची आयोजकांवर वेळ आली आहे.

Edited By - Akshay Baisane