भंडारा - जातीनिहाय जनगणना (Caste wise census) करण्यासाठी केंद्र सरकार (Central Government) तयार नसल्याचे जाहिर केल्याने ह्या घटनेच्या निषेध व्यक्त करण्यासाठी ओबीसी जनगणना (OBC Janganana Parishad) परिषदेच्या वतीने खासदार सुनील मेंढे (BJP MP Sunil Mendhe) यांच्या निवासस्थानासमोर ठिय्या आंदोलन करण्यात आले आहे. ओबीसी जनगणना परिषदेचे अनेक कार्यकर्ते खासदार निवास स्थानासमोर ठिय्या आंदोलनास बसले होते. (OBC Janganana Parishad protesting in front of MP sunil mendhe's house)

हे देखील पहा -

केंद्र सरकारने संसदेच्या नुकत्याच सुरु असलेल्या अधिवेशनादरम्यान केंद्रीय गृहराज्यमंत्री नित्यानंद राय यांनी ओबीसींची जातीनिहाय जनगणना करण्यात येणार नसल्याचे लोकसभेत केंद्र शासनाचा धोरणात्मक निर्णय घेतल्याचे जाहिर केले. याचा निषेध व्यक्त करण्यासाठी ओबीसी जनगणना परिषदेच्या वतीने खासदार निवास स्थानासमोर ठिय्या आंदोलन करण्यात आले.

1931 ला झालेल्या जनगणनेत ओबीसी समाज 52% दाखविन्यात आला आहे. आता 90 वर्ष झाली तरी ओबीसींची जनगणना झाली नाहीं हा ओबीसींवरील अन्याय असून त्यामुळे ओबीसींना हक्काचे आरक्षण मिळत नाही. त्यामुळे खासदार सुनील मेंढे यांनी लोकसभेत ओबीसी जनगणनेचा मुद्दा रेटुन धरून ठेवावा ह्या दृष्टीने प्रयत्न करावे व केंद्र सरकारने ओबीसी विरोधी धोरणात बदल करावा ह्या मागणीला घेऊन हे ठिय्या आंदोलन करण्यात आले होते.

Edited By - Akshay Baisane