सांगली : सांगली (Sangli) तासगावमध्ये (tasgoan) नर्स (nurse) असल्याचे भासवून एका महिलेने एका रुग्णालयातून एक दिवसाच्या चिमुरड्याचं अपहरण केल्याचा धक्कादायक प्रकार उघडकीस आला आहे. आज (रविवार) सकाळी आठ वाजता ही घटना घडली. हा प्रकार सीसीटीव्ही कॅमेरात कैद झाला आहे. याप्रकरणी सबंधित महिलेचा पोलिस शोध घेताहेत. (sangli latest marathi news)

तासगाव येथील सिध्देश्वर चौकातील एका दवाखान्यात एक महिला प्रसूत झाली. आज सकाळी आठ वाजण्याच्या सुमारास एक महिला नर्स असल्याचे भासवून सबंधितांच्या वार्डमध्ये गेली.

तेथून एक दिवसाच्या बालकाला घेऊन आपल्या काखेतील बॅगमध्ये टाकले. या बालकाला घेऊन महिलेने क्षणार्धात पलायन केले. या घटनेने रुग्णालयासह शहरात खळबळ उडाली आहे. ही घटना सीसीटीव्ही कॅमेरात कैद झाली आहे. संबंधित महिलेचा पोलीस शोध घेत आहेत.

Edited By : Siddharth Latkar