पवार कुटुंबात पुन्हा एकदा सनई चौघडेचे सूर घुमणार आहेत. राष्ट्रवादी काँग्रेसचे युवा नेते आणि शरद पवार यांचे नातू युगेंद्र पवार यांचा साखरपुडा पार पडला आहे. तनिष्का नावाच्या तरुणीसोबत त्यांचा साखरपुडा पार पडला असून, खासदार सुप्रिया सुळे यांनी सोशल मीडियावर यासंदर्भात पोस्ट शेअर केली आहे.

सुप्रिया सुळे यांनी युगेंद्र आणि तनिष्कासोबतचा फोटो शेअर करत त्यांना शुभेच्छा दिल्या, आणि यानंतर सोशल मीडियावर शुभेच्छांचा वर्षाव सुरू झाला.

उपमुख्यमंत्री अजित पवार यांचे सुपुत्र जय पवार यांच्या लग्नानंतर पवार कुटुंबात लवकरच लगीनघाई सुरू होणार आहे. राष्ट्रवादी काँग्रेसचे युवा नेते युगेंद्र पवार यांचा नुकताच साखरपुडा झाला. तनिष्कासोबत त्यांचा साखरपुडा झाल्याची माहिती आहे. खासदार सुप्रिया सुळेंनी पोस्ट करत यासंदर्भात माहिती दिली. त्यांनी युगेंद्र आणि तनिष्का यांचे फोटो शेअर करून कॅपशनमध्ये शुभेच्छा दिल्या.

सुप्रिया सुळेंनी पोस्टच्या कॅप्शनमध्ये युगेंद्र पवारांना शुभेच्छा दिल्या, 'आमच्या कुटुंबातील आनंदाची बातमी शेअर करत आहे. माझा पुतण्या युगेंद्र पवार याचा तनिष्कासोबत साखरपुडा पार पडला. त्यांनी आयुष्यभर खुश आणि आनंदीत, एकत्र राहावं हीच इच्छा...तनिष्का तुझं पवार कुटुंबात स्वागत..'

युगेंद्र पवार नक्की कोण?

युगेंद्र पवार. राज्याचे उपमुख्यमंत्री अजित पवार यांचे धाकटे बंधू श्रीनिवास पवार यांचे ते चिरंजीव. तसेच राष्ट्रवादी काँग्रेसचे सर्वेसर्वा शरद पवार यांचे नातू. त्यांनी बारामती मतदारसंघातून अजित पवारांविरोधात निवडणूक लढवली. मात्र, त्यांना हवं तसं यश प्राप्त झालं नाही. बारामती कुस्ती संघाच्या अध्यक्षपदाची धुराही युगेंद्र पवार यांच्याकडेच आहे. यासह युगेंद्र पवार विविध पदांवर कार्यरत आहेत.

भाग्यश्री कांबळे, साम टीव्ही