>> अजय सोनावणे

Nashik News:

हिंदु-मुस्लीम हा वाद नेहमीच होत असतो, मात्र मानवता धर्म हा खूप मोठा आहे. क्या अल्ला क्या ईश्वर सब एक है आणि ही मानवतेची शिकवण देणारा अवलीया तसाच आहे.

नाशिकमध्ये हिंदू मुस्लीम एकतेचं दर्शन घडलं आहे. येथे एका मुस्लीम तरुणाने आपल्या घरात गणपती बसवला आहे. या तरुणाचं रहिम शेख असं आहे. (Latest Marathi News)

नाशिकच्या येवला तालूक्यातील पुरणगाव येथिल रहिम शेख हा व्यवसायाने फोटोग्राफर आहे. तो गादी विकण्याचा व्यवसायही करतो. लग्नानंतर त्याला तीन मुली झाल्या त्यानंतर त्याने गावातील गणपती मंदीरात जात नवस केला. मुलगा झाला तर पाच वर्ष घरात गणपती बाप्पाची स्थापना करेल.

यानंतर त्याला मुलगा झाला. मुलगा झाल्यानंतर त्यांनी आपल्या घरी गणपती बसवण्यास सुरुवात केली. यालाच आज चार वर्ष पुर्ण झाले असून पाचव्या वर्षी ब्राम्हणांच्या उपस्थित संध्याकाळच्या सुमारास गणेशाची घरात स्थापना करत विधिवत पुजा-अर्चा केली. एखाद्या मुस्लीम व्यक्तीने घरात गणपतीची स्थापना करणे हे अनेकांच्या भुवया उंचावणारे असले तरी त्याला त्याच्या कुटूंबातून आणि गावातून सर्व जण साथ देत असतात.