अभिजीत सोनावणे, साम टीव्ही, प्रतिनिधी

Nashik Bus-Rickshaw Viral Video : नाशिकमधील एका व्हायरल व्हिडीओची सध्या संपूर्ण महाराष्ट्रात चर्चा होत आहे. या व्हिडीओत बसमधून एक माणूस पायाने रिक्षाला धक्का देत असल्याचे दिसते. साधारणत: बाईक, स्कूटी किंवा रिक्षा एकमेकांना सपोर्ट देत असल्याचे पाहतो. पण बसने रिक्षाला धक्का देण्याची ही पहिलीच वेळ असल्याचे म्हटले जात आहे.

व्हिडीओमधील बसच्या मागे 'नाशिक महानगर परिवहन मंडळ' लिहिलेले स्पष्ट दिसते. यावरुनच हा व्हिडीओ नाशिकमधला आहे हे समजते. व्हिडीओत सिंटी लिंकच्या बसच्या पुढच्या दरवाज्यावर एक माणूस बाहेरच्या दिशेला उभा आहे. तो डाव्या पायाने बसच्या पुढे असलेल्या रिक्षाला धक्का देत आहे. यावरुन ती रिक्षा बंद पडली असावी आणि बसमधील माणूस रिक्षावाल्याला मदत करत असावा असा अंदाज बांधला जात आहे.

व्हिडीओमधील बसच्या मागे 'नाशिक महानगर परिवहन मंडळ' लिहिलेले स्पष्ट दिसते. यावरुनच हा व्हिडीओ नाशिकमधला आहे हे समजते. व्हिडीओत सिंटी लिंकच्या बसच्या पुढच्या दरवाज्यावर एक माणूस बाहेरच्या दिशेला उभा आहे. तो डाव्या पायाने बसच्या पुढे असलेल्या रिक्षाला धक्का देत आहे. यावरुन ती रिक्षा बंद पडली असावी आणि बसमधील माणूस रिक्षावाल्याला मदत करत असावा असा अंदाज बांधला जात आहे.

व्हायरल व्हिडीओमधील बस, बसचालक आणि रिक्षाला धक्का मारणारा व्यक्ती यांचा शोध नाशिक वाहतूक पोलीस घेत आहे. व्हिडीओतील बसचा क्रमांक ब्लर केला असल्याने ओळख पटवणे कठीण आहे. बसप्रमाणे रिक्षाचाही क्रमांक लपवण्यात आला आहे. यामुळे संबंधित व्यक्तींवर कारवाई करण्याचे आव्हान नाशिक वाहतूक पोलिसांसमोर आहे.

नाशिक शहराच्या अनेक सोशल मीडियाच्या पेजेस, अकाउंट्सवर हा व्हिडीओ व्हायरल झाला आहे. व्हिडीओवरुन उलटसुलट चर्चा होत आहे. सोशल मीडियावर काहींनी या कृतीचे समर्थन केले आहे. तर काहींना या गोष्टीवर टीका केली आहे.