अजय सोनवणे 

मनमाड (नाशिक) : महापालिकेचा भोंगळ कारभार नेहमीच पाहण्यास मिळत असतो. प्रामुख्याने फाईल गहाळ होण्याचे प्रकार अनेकदा झालेले देखील पाहण्यास मिळाले आहेत. परंतु मालेगाव (Malegaon) महापालिकेतील महत्त्वाच्या फाईल चक्क भंगार बाजारात आढळून आल्या आहेत. यामुळे महापालिका प्रशासनात मोठी खळबळ उडाली आहे. (Tajya Batmya)

नाशिकच्या मालेगाव महानगर पालिकेच्या वेगवेगळ्या विभागातील विशेषतः भागदारांच्या महत्वाच्या कागदपत्रांच्या फाईल थेट बुनकर बाजारात बेवारस स्थिती सापडल्याने मोठी खळबळ उडाली आहे. नागरीक समितीचे रामदास बोरसे यांना याची माहती मिळताच त्यांनी थेट घटनास्थळी जात पाहणी केली असता हा सर्व प्रकार उघडीस आला. सिटी (Police) पोलिसांना याची माहिती दिल्यानंतर त्यांनी तेथे धाव घेत सर्व फाईल्स ताब्यात घेत त्याचा पंचनामा केला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चौकशी करणार 

मालेगाव महापालिकेच्या या महत्वपुर्ण फाईली कोणी, कशा बेवारस ठिकाणी टाकल्या? याचा आता पोलिस शोध घेत असून महापालिकेत झालेल्या गैरव्यवहार लपविण्याचा कोणी प्रयत्न केला. या फाईल बाहेर कशा गेल्या याचा शोध घेण्याचा पोलिस प्रयत्न करीत आहेत. नकुतेच नव्याने रुजू झालेले पालिका आयुक्त जाधव यांनीही याची चौकशी करण्यात येणार असल्याचे स्पष्ट केले आहे.