नाशिक : नाशिक शहरातून मागील ४ महिन्यात शेकडो मुली आणि महिला बेपत्ता झाल्याचे धक्कादायक (Nashik News) वास्तव समोर आले आहे. शहरातील वेगवेगळ्या पोलीस (Police) ठाण्यात याबाबत तक्रारी नोंदवण्यात आल्यात. (Tajya Batmya)

मुली आणि महिलांच्या मिसिंगच्या सर्वाधिक तक्रारी औद्योगिक क्षेत्र असलेल्या अंबड पोलीस ठाण्याच्या हद्दीत नोंदवण्यात आल्या आहेत. जानेवारी ते एप्रिल या ४ महिन्यात नाशिक शहरात अल्पवयीन मुलं, मुली बेपत्ता झाल्याचे तब्बल ११७ गुन्हे दाखल असून बेपत्ता झालेल्यांमध्ये मुलींची संख्या अधिक आहे. ११७ दाखल गुन्ह्यांपैकी ७६ प्रकरणात बेपत्ता मुलं, मुली सापडले असले तरी अद्याप ४२ अल्पवयीन मुली आणि ५ मुलं बेपत्ता आहेत.

बेपत्‍तामध्‍ये तरुण व पुरूषांचाही समावेश

१८ वर्षांवरील प्रौढ व्यक्तींच्या दाखल बेपत्ता गुन्ह्यांमध्ये १६७ तरुणी आणि महिला अद्याप बेपत्ता असून पोलीस त्यांचा शोध घेत आहेत. तर १२७ तरुण आणि पुरुषही मागील ४ महिन्यात बेपत्ता झाल्याची पोलीस दफ्तरी नोंद आहे. त्यामुळे या बेपत्ता झालेल्या तरुण- तरुणी तसच प्रौढांना शोधण्याचं मोठं आव्हान सध्या नाशिक पोलिसांसमोर आहे.