नाशिकमध्ये शेततळ्यात बुडून दोन मुलांचा दुर्दैवी मृत्यू झाल्याची घटना समोर आली आहे. नाशिकच्या संजीवनगरमध्ये ही घटना घडली. खेकडे पकडण्यासाठी गेले असता शेततळ्यात दोघे पडले. अशातच पाण्यामध्ये बुडून त्यांचा मृत्यू झाला. या घटनेमुळे हळहळ व्यक्त केली जात आहे. दोघांच्या मृत्यूप्रकरणी नाशिकच्या अंबड पोलिस ठाण्यामध्ये आकस्मात मृत्यूची नोंद करण्यात आली आहे.
मिळालेल्या माहितीनुसार, नाशिकच्या संजीवनगरमध्ये राहणारे तिघे मित्र खेकडे पकडण्यासाठी गेले होते. भोरमळ्यात असणाऱ्या शेततळ्यात ते खेकडे पकडत होते. खेकडे पकडत असताना दोघेजण पाय घसरून शेततळ्यात पडले. शेततळ्यात मोठ्याप्रमाणात पाणी असल्यामुळे आणि पोहता येत नसल्यामुळे दोघांचा देखील पाण्यामध्ये बुडून मृत्यू झाला.
मोहम्मद इरशाद शाह (११ वर्षे) आणि अशरफ खान (८ वर्षे) अशी मृत्यू झालेल्या दोन्ही मुलांची नावं आहेत. मोहम्मद आणि अशरफ दोघे खूपच चांगले मित्र होते. घटनेची माहिती मिळताच अग्निशमन दल आणि अंबड पोलिसांनी घटनास्थळी धाव घेतली. तब्बल ४ तासांच्या प्रयत्नांनंतर दोघांचेही मृतदेह शेततळ्यातून बाहेर काढण्यात अग्निशमन दलाला यश आले. या घटनेमुळे संजीवनगर परिसरात हळहळ व्यक्त केली जात आहे. याप्रकरणी अंबड पोलिसांनी अकस्मात मृत्यूची नोंद केली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.