- विनायक वंजारे

Sindhudurg Political News :

आगामी काळातील लाेकसभा निवडणुकीच्या (loksabha election 2024) पार्श्वभूमीवर काेकणातील राजकारण तापू लागलं आहे. शिवसेना नेते शिक्षणमंत्री दिपक केसरकर (deepak kesarkar) यांनी केंद्रीय मंत्री नारायण राणे (narayan rane) हे रत्नागिरी सिंधुदुर्ग लोकसभा मतदारसंघाचे (ratnagiri-sindhudurg lok sabha constituency) उमेदवार असतील असे नुकतेच संकेत दिले. त्यावर आमदार वैभव नाईक (mla vaibhav naik) यांनी केसरकर यांना गद्दार असा टाेला लगावत काेकणी जनता काही विसरत नाही. काही करा नारायण राणेंचा पराभव अटळ असल्याचे म्हटले.  (Maharashtra News)

आमदार वैभव नाईक म्हणाले राणेंचा दहशतवाद पुढे आणणारे केसरकर आज राणेंचा दहशतवाद विसरले. रत्नागिरी सिंधुदुर्ग लोकसभा मतदारसंघात शिंदे गटाचे दोन दोन कॅबिनेट मंत्री असताना आपल्या पक्षाचं अस्तित्व नसल्याचे त्यांनी मान्य केले आणि म्हणून नारायण राणेंची उमेदवारी भाजपकडून जाहीर करण्याचा प्रयत्न केसरकर यांनी केल्याचे नमूद केले.

नाईक म्हणाले यापूर्वी दिपक केसरकर यांनी वेळावेळी राणेंच्या दहशतीविषयी खूलेआम चर्ची केली आहे. राणे पालकमंत्री असताना त्यांनी केसरकर यांनी नियाेजन समितीच्या बैठकीतून बाहेर काढले हे केसरकर विसरले असतील परंतु जनता नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दुसरीकडे कोकणी जनतेने नारायण राणे व दिपक केसरकर यांच्या गद्दारीचा अनुभव घेतला आहे. त्यामुळे तुम्ही कोणताही उमेदवार दिला तरी ठाकरे शिवसेनेचे उमेदवार विनायक राऊत (vinayak raut) हे भरघोस मतांनी निवडून येतील, लोक तुम्हाला जागा दाखवतील असे नाईक यांनी केसरकरांसह नारायण राणेंना आव्हान दिले.

Edited By : Siddharth Latkar