राष्ट्रवादीचे मंत्री नरहरी झिरवाळ यांचा मित्रा सोबतचा व्हिडिओ जोरदार व्हायरल होतोय. झिरवळांनी असं नेमकं काय केलं? ज्यामुळे त्यांचा हा व्हिडीओ व्हायरल होतोय. मंत्री नरहरी झिरवाळसाहेबांची बातच न्यारी, राजकाणापेक्षा दोस्ती एकमद प्यारी. साहेब हाडाचं राजकारणी.. पण दोस्तीत नो राजकीय कुस्ती हीच साहेबांचा फंडा आहे. आंदोलन असो वा असो भाषण साहेबांचा हात दुसरा कुणी नाय. आता यात भर पडलीय दोस्तीची हा व्हिडिओ पाहाच.

मंत्री झिरवळसाहेब कामानिमित्त हेलिकॉप्टपनं त्यांच्या मतदारसंघात गेलं होतं. मंत्री आलं का गराडा असतूच की, त्यात दिसला त्यांचा बालपणीचा मित्र मग काय? साहेब जुन्या आठवणीत गुंग. मित्र एकदम साधा आहे. अंगात मांजरपट कपड्याची जुनी बंडी डोक्यावर गांधी टोपी अन् पट्ट्या पट्याची हाफ पँट घातली होती. एकदम साधा माणूस. पण साहेबांनी मिठी मारली. दुसरा कुणी असता तर थोडा विचार केला असता.

स्वतःच्या पांढऱ्या कपड्याचा पण आडपडदा ठेवण्याचा स्वभाव साहेबांचा नाही. झिरवळसाहेब म्हणाले चल तुला हेलिकॉप्टर दाखवतो. गडी दोस्त बी सोबतीला आला. हेलिकॉप्टर बघताच गड्यानं पायातलं जोड काढलं. इतका साधेपणा पहिल्यांदा पाहिला. दोस्ताची साहेबांनी अधिकाऱ्यांसंग ओळख केली. झिरवळांचे यश बघून मित्र जाम खूश झाले.

झिरवळ साहेबांनी मित्राला हेलिकॉप्टर दाखवले. मित्र आनंदी झाला. तुम्हाला समाधान मिळालं पण राज्यातली जनतेच्या तुमच्याकडून मोठ्या अपेक्षा आहेत. त्या पण पूर्ण करा म्हणजे जनता पण आनंदी आणि तुम्ही पण समाधानी राहाल.