नंदुरबार : गणेशोत्‍सवात उत्‍साहाचा पारावार नाही. बाप्‍पाचे स्‍वागत करण्यासोबतच बाप्‍पाला निरोप देण्यावेळी देखील भाविकांचा उत्‍साह अधिक असतो. भाविकांच्‍या या उत्‍साहाने (Nandurbar) नंदुरबार शहरातील रस्‍ते गुलाबी झालेले पहावयास मिळाले. (Nandurbar News Ganesh Festival)

नंदुरबार जिल्हा प्रशासन व विविध सामाजिक स्तरातून गुलालाचा अतिवापर टाळावा यासाठी जनजागृती केली जात असली तरी नंदुरबार शहरात पहिल्या टप्प्यातील (Ganesh Visarjan) गणेश विसर्जनाला २०१९ च्या तुलनेत ५ हजार गोण्या अधिक गुलालाच्या उधळल्याचे चित्र समोर आले आहे. गणेश विसर्जन मिरवणुकीनंतर नगरपालिका कर्मचारी व अग्निशमन दलाच्या पथकाकडून रस्त्यावरील गुलालाची पाणी टाकून साफसफाई केली जात आहे.

अनंत चतुर्दशीला २५ मंडळांकडून विसर्जन मिरवणूक

गेली दोन वर्षे कोरोनामुळे (Corona) विसर्जन मिरवणुका निघाल्या न होत्या त्यामुळे यंदा गणेश भक्तांमध्ये प्रचंड उत्साह असल्याने तब्बल २० हजार गोण्या गुलाल पहिल्याच विसर्जन टप्प्यात उधळल्या असून शेवटच्या टप्प्यात हा आकडा आणखी वाढेल अशी शक्यता वर्तवली जात आहे. नंदुरबार शहरात येत्या ९ सप्टेंबर रोजीही उर्वरित २५ मंडळांकडून विसर्जन मिरवणूक काढण्यात येणार आहे. त्या अनुषंगाने प्रशासनही सज्ज झाले आहे.