सागर निकवाडे

नंदूरबार : नंदुरबार जिल्ह्यात अवकाळी पावसामुळे शेतकऱ्यांच्या (Farmer) तोंडाशी आलेला घास वाया गेल्या आहे. यानंतर झालेल्‍या (Nandurbar News) नुकसानीचे पंचनामे सुरू झाले असून १ हजार ५७५ हेक्‍टरवर पंचनामे पूर्ण झाले आहेत. (Maharashtra News)

जिल्ह्यातील १५७५ हेक्टरवर पंचनामे झाले असून अजून काही शेतकऱ्यांचे पंचनामे राहिले आहेत; ते तातडीने पूर्ण करण्याचे आदेश दिले आहेत. जिल्ह्यात रब्बी हंगामातील केळी, पपई, मका, हरभरा, कांदा, तर काढणीवर आलेले गहू, ज्वारी या पिकांच्या मोठ्या प्रमाणावर नुकसान झाले आहे. यासाठी पंचनामे पूर्ण झाली असून काही शेतकऱ्यांचे पंचनामे राहिले आहेत ते देखील लवकरच पूर्ण करून राज्य सरकार सर्व शेतकऱ्यांना हेक्टरी एनडीईआरएफ नियमापेक्षा जास्त मदत शेतकऱ्यांना दिले जाणार असल्याची घोषणा राज्याचे आदिवासी विकास मंत्री डॉ. विजयकुमार गावित (Vijaykumar Gavit) यांनी केले आहे.

नवीन नियमाप्रमाणे मदत

आता सरकार लवकरच मदत करणार अशी अपेक्षा शेतकरी वर्ग करत आहे. यासाठी राज्य सरकार हेक्टरी एनडीईआरएफ (NDERF) नवीन नियमाप्रमाणे मदत होणार आहे. तर राज्य सरकारकडून देखील तेवढीच मदत दिली जाणार असल्याची माहिती राज्याचे आदिवासी विकास मंत्री डॉ. विजयकुमार गावित यांनी दिली आहे.