नंदुरबार : नंदुरबार भाजपच्यावतीने मंत्री नवाब मलिक यांच्यावर ईडीने केलेल्या कारवाई संदर्भात राजीनामा द्यावा; अशी मागणी केली. शहरातील मुख्य चौकात छत्रपती शिवाजी महाराजांच्या पुतळ्याला पुष्पहार अर्पण करून जोरदार निदर्शने केली. (nandurbar news BJP protests for the resignation of Minister Nawab Malik)

निष्पापांचा बळी घेणारे मुंबई बॉम्ब स्फोटातील आरोपींकडून कवडीमोल भावाने जमिनी विकत घेऊन महापाप करणाऱ्या नवाब मालिक (Nawab Malik) विरोधात विरोधी पक्षनेते देवेंद्र फडणवीस (Devendra Fadanvis) यांनी तक्रार केली होती. त्यानंतर ईडीने चौकशी करून त्यांना अटक केली.

मलिकांना पाठीशी घालताय

यानंतरही मंत्री नवाब मलिक यांच्यावर महाविकास आघाडी (Mahavikas Aaghadi) सरकार, मुख्यमंत्री उद्धव ठाकरे, राष्ट्रवादीचे नेते शरद पवार पाठीशी घालत असल्याचा आरोप करत महाविकास आघाडी सरकार विरोधात जोरदार निदर्शने करत घोषणाबाजी केली. मंत्री नवाब मलिक यांनी राजीनामा द्यावा अशी मागणी भाजपने लावून धरली आहे. नंदुरबार (Nandurbar) भारतीय जनता पार्टीचे जिल्हाध्यक्ष विजय चौधरी, माजी आमदार शिरीष चौधरी यांच्यासह शेकडो कार्यकर्त्यांनी महाविकास आघाडी सरकार आणि मंत्री नवाब मलिक यांच्या विरोधात जोरदार निदर्शने केली.