सागर निकवाडे 

नंदूरबार : नवापूर तालुक्यातील ढोंग शिवारातील विश्वास गावीत यांचा शेतात मक्याच्या कापनी करीत असताना बिबट्याचे (Leopard) पिलू आढळून आले होते. या पिलांवर उपचार करत एका ठिकाणी ठेवण्यात आले होते. रात्रीच्या (Nandurbar) सुमारास या पिलाला बिबट्या मादी घेऊन गेल्याचे सीसीटीव्ही कॅमेरात कैद झाले आहे. (Breaking Marathi News)

मका कापणी करताना आढळून आलेल्या बिबट्याच्या पिकाबाबत शेतकऱ्यांनी वन विभागाचे उपविभागीय वनाधिकारी धनंजय पवार पथकाला कळवले. त्यानंतर वन विभागाच्या (Forest Department) पथकाने जागेवर जाऊन सदर पिलास ताब्यात घेऊन पशु वैद्यकीय अधिकारी डॉ. हर्षल पाटील व डॉ. अविनाश वळवी यांच्याकडून तपासणी करून घेतली. जागेवरच उन्हामुळे डीहायड्रेशन होऊ नये; म्हणून औषधोपचार करून पिलास सावलीत ठेवले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

त्यानंतर रात्री एका शेतात कॅरेटमध्ये पिलाला ठेवून दिले. वन विभागाने सीसीटीव्ही कॅमेरे लावून बिबट्याची मादी पिलाला घेऊन जाते का? याची पाळत ठेवली आणि रात्री बिबट्याची मादी येऊन कॅरेटमधील पिलाला तोंडात घालून जंगलात सुरक्षित घेऊन जाताना दिसून आली. उपविभागीय वनाधिकारी धनंजय पवार यांच्या पथकाने एका छोट्याशा वन्यप्राणाच्या पिलाचे प्राण वाचवल्याने वनविभागाचे कौतुक केले जात आहे.