दिनू गावित

नंदुरबार: जिल्ह्यातील नवापूर आणि तळोदा येथे केंद्र सरकारच्या महागाई विरोधात राष्ट्रवादी काँग्रेसने आंदोलन केले आहे. देशात व राज्यात सध्या इंधन, गँस, तेल व भाजीपाला यांचे दर गगनाला भिडले आहे. महागाई वाढल्याच्या निषेधार्थ राष्ट्रवादी युवक काँग्रेस पक्षातर्फे गॅससिलेंडर व दुचाकी वाहन ठेऊन केंद्रातील मोदी सरकारचा निषेध करण्यात आला.

राष्ट्रवादी युवक कॉंग्रेस पार्टीचे प्रदेशाध्यक्ष महेबूब शेख यांच्या आदेशानुसार आज नवापूर शहरात महागाईच्या विरोधात निषेध मोर्चा व निषेध आंदोलन करण्यात आले. नवापूर शहरातील महामानव डॉक्टर बाबासाहेब आंबेडकर यांच्या पुतळ्या समोर गॅससिलेंडर व दुचाकी वाहन यांना पुष्पहार घालून मोदी सरकारचा तीव्र निषेध केला.

हे देखील पाहा-

महागाईमुळे सर्व सामान्य कुटुंबाचे कंबरडे मोडले आहे.जनता महागाईने हैराण झाली आहे.केंद्र शासनाच्या निषेधार्थ घोषणाबाजी करत निषेध व्यक्त करण्यात आला.यावेळी राष्ट्रवादी युवक काँग्रेस युवानेते अँडहोकेट राऊ मोरे म्हणाले की, इंधन गँस, तेल, भाजीपाला यांचे भाव गगनाला भिडले आहे. महागाईमुळे सर्व सामान्य कुटुंबाचे कंबरडे मोडले आहे. जनता हेराण झाली आहे. महागाईच्या निषेधार्थ आम्ही आंदोलन करीत आहोत.

यावेळी नवापूर पालिकेचे विरोधी पक्षानेते नरेंद्र नगराळे, चर्मकार समाजाचे अध्यक्ष छोटु अहिरे, जिल्हा सरचिटणीस सनी सावरे, गोलु राजपूत, मयुर सावरे,विकी महाले,अजय जाधव, अविनाश जाधव,अर्जुन सावरे,हेमंत नगराळे, मिलिंद बागले,रेहान खाटीक,अली खाटीक, शाहरुक खाटीक, सलामन बागवान,समिर शेख आदी कार्यकर्ते उपस्थित होते. यावेळी पोलीस निरीक्षक बाळासाहेब भापकर यांच्या मार्गदर्शनाखाली पोलीस हेड काँनस्टेबल निजाम पाडवी, पवन राजपूत यांनी चोख बंदोबस्त ठेवला होता.