नांदगाव तालुक्यातील जातेगाव येथे ट्रॅक्टर ट्रॉलीचा अपघात झालाय. महादेवाचे दर्शन घेऊ परताना ट्रॅक्टरचा अपघात झालाय. ट्रॅक्टर ट्रॉली पिनाकेश्वर घाटातील २०० फूट खोल दरीत कोसळलीय. यात २ जणांचा मृत्यू झालाय तर १३ जण जखमी झालेत. अपघातानंतर स्थानिक नागरिक व पोलिसांनी तत्काळ मदतकार्य करत भाविकांना दरीतून बाहेर काढले. जखमींना बोलठाण येथील प्राथमिक आरोग्य केंद्रात प्रथमोपचार करून पुढील उपचारासाठी संभाजीनगर येथे हलवण्यात आले आहे. अपघातातील मयत व जखमी हे संभाजीनगर जिल्ह्यातील जाणेफळ व खामगाव येथील रहिवासी होते. भाविक जातेगाव येथील पिनाकेश्वर महादेव मंदिर येथून दर्शन घेऊन परतत होते. परतीच्या प्रवासावेळी त्यांचा अपघात झाला.