नांदेड जिल्ह्यात एक भीषण अपघाताची घटना घडली आहे. मुलगी पाहण्याच्या कार्यक्रमासाठी जात असताना सॉफ्टवेअर इंजिनियरसह एका महिलेचा मृत्यू झाला आहे. हदगाव तालुक्यातील भानेगाव फाट्याजवळ तीन वाहनांचा विचित्र अपघात झाला. या भीषण अपघातात आठ जण गंभीर जखमी झाले आहेत. त्यांच्यावर सध्या खासगी रूग्णालयात उपचार सुरू आहे.

या भीषण अपघाताची घटना नांदेड ते नागपूर महामार्गावरील हदगाव तालुक्यातील भानेगाव फाट्याजवळ घडली. महामार्गावर तीन वाहनांचा विचित्र अपघात घडला. लातूर येथून देवगुरे परिवार चंद्रपूर येथे मुलगी पाहण्यासाठी जात होते. नांदेडच्या हदगाव तालुक्यातील भानेगाव फाट्याजवळ येताच तीन वाहनांचा विचित्र अपघात झाला.

अपघातात मुलगी पाहण्यासाठी जाणाऱ्या सॉफ्टवेअर इंजिनिअरचा जागीच मृत्यू झाला. तर, त्या तरूणासह आणखी एका महिलेचा मृत्यू झाला. तर आठ जण या अपघातात जखमी झाले. अपघात घडल्यानंतर स्थानिकांनी तातडीने धाव घेतली. तसेच पोलिसांना याची माहिती देण्यात आली.

पोलिसांनी घटनास्थळी धाव घेत जखमी लोकांना जवळच्या रूग्णालयात पाठवले. डॉक्टरांनी तपासून दोन जणांना मृत घोषित केले. तर, इतर ८ जणांवर रूग्णालयात उपचार सुरू आहेत. या घटनेनंतर परिसरात खळबळ उडाली आहे.