Summary -

• नांदेडच्या धर्माबादमध्ये दुर्दैवी घटना

• विहिरीत पोहताना विजेचा धक्का लागून मृत्यू

• दोन्ही तरुण मित्र होते

• नांदेड पोलिसांकडून तपास सुरू

संजय सूर्यवंशी, नांदेड

नांदेडमध्ये पोहण्यासाठी गेलेल्या दोन तरुणांचा दुर्दैवी मृत्यू झाला. पोहण्यासाठी या तरुणांनी विहिरीत उडी मारली पण यावेळी भयंकर घटना घडली. विजेचा धक्का लागून या दोघांचाही मृत्यू झाला. नांदेडच्या धर्माबाद येथे ही घटना घडली. हे दोन्ही तरुण मित्र होते. त्यांच्या मृत्यूमुळे गावावर शोककळा पसरली आहे. दोघांचे मृतदेह विहिरीबाहेर काढण्यात आले.

मिळालेल्या माहितीनुसार, नांदेडच्या धर्माबादमध्ये दोन तरुणांचा मृत्यू झाला. अविनाश तोंडाकूरवार आणि कृष्णा मार्गींनवार असं मृत्यू झालेल्या तरुणांची नावं आहेत. उन्हाळा असल्याने दुपारच्या सुमारास दोन्ही तरुण धर्माबादच्या एका विहिरीत पोहण्यासाठी गेले होते. पोहण्यासाठी दोघांनी विहिरीत उडी मारली पण ते परत बाहेर आलेच नाहीत. विहिरीतील मोटारीचा विद्युत प्रवाह पाण्यात उतरल्याने दोन्ही तरुणांना विजेचा धक्का लागला आणि त्यांचा मृत्यू झाला.

या घटनेची माहिती मिळतात नागरिकांनी घटनास्थळी धाव घेतली. गावकऱ्यांनी मोटर बंद केली त्यानंतर दोन्ही तरुणांचे मृतदेह शोधून विहिरीतून बाहेर काढले. या दोन्ही तरुणांचे मृतदेह शवविच्छेदनासाठी रुग्णालयात पाठवण्यात आले. या घटनेचा तपास नांदेड पोलिस करत आहेत. या घटनेमुळे नांदेडमध्ये हळहळ व्यक्त केली जात आहे. या घटनेचा तपास पोलिसांकडून सुरू आहे.