संजय सुर्यवंशी, साम प्रतिनिधी

शिवसेना शिंदे गटाचा कार्यकर्ता सोनू कल्याणकर याच्या खून प्रकरणाच्या तपासात नवनवीन आणि धक्कादायक खुलासे समोर येत आहे. प्रेम संबंधातून झालेल्या या खूना मागे तरुणीची आईचं मुख्य सूत्रधार असून मारेकऱ्यांना लाखो रुपये दिल्याचे तपासात उघड झाले आहे. पोलिसांनी इंदुबाई मंगनाळे या महिलेला ताब्यात घेतले आहे.

खूनाच्या कटात तरुणीची आईचं मुख्यसूत्रधार निघाल्याने खळबळ उडाली आहे. सदर महिला आरोपीचा मुलगा हा कुख्यात दहशतवादी रिंदा गँगचा सदस्य असून तो जेलमध्ये आहे.तर पतीला देखील पोलिसांनी खून प्रकरणात अटक केली आहे. सोमवारी पहाटे ५ वाजेच्या सुमारास मॉर्निंगवॉकला गेलेल्या सोनू कल्याणकर या ३५ वर्षीय तरुणाची चार हल्लेखोरानी धारदार शस्त्राने शरीरावर वार करून निर्घृणपणे खून केला होता.

श्रीनगर भागात मुख्य रस्त्यावर ही घटना घडली. सोनू कल्याणकर हा शिवसेना शिंदे गटाचा कार्यकर्ता होता. दहा ते बारा वर्षा पूर्वी त्याचे रिदा गँगचा सदस्य असलेल्या गोलू मंगळनाळे याच्या बहिणीसोबत प्रेम संबंध होते. ही बाब माहिती झाल्यानंतर मुलीच्या कुटुंबियांनी विरोध केला. कुटुंबीयांनी मुलीचा विवाह दुसऱ्या ठिकाणी ठरविले होते, पण मयताने सोयरीक मोडली.

याचा राग मनात धरून 2021 साली मुलीचा भाऊ गोलू मंगनाळे याने सोनू कल्याणकर याच्यावर गोळीबार केला होता. त्यात तो थोडक्यात बचावला. हे प्रकरण मिटलं अस वाटतं होतं, मात्र 6 एप्रिल रोजी चार हल्लेखोरानी सोनू कल्याणकर याचा निर्घृणपणे खून केला. पोलिसांनी गटनेच्या काही तासातचं रोहित लोट, पियुष शिंदे, अंकुश गंधनवाड, मधू जोगदंड याला ताब्यात घेतले. सुरुवातीला जुन्या वादातून हा प्रकार घडल्याचे बोलल्या जातं होतं, त्यानंतर या प्रकरणाला प्रेम संबंधाची किनार लागली.

भाग्यनगर पोलिसांनी तरुणीचा भाऊ गोलू मंगनाळे, वडील चंद्रविजय मंगळनाळे यांच्यासह इतर चार जणा विरोधात गुन्हा दाखल केला. तपासा दरम्यान धक्कादायक बाब समोर आली. तरुणीच्या भावाने नाही तर त्याची आई इंदूबाई मंगनाळे हिने हल्लेखोराना सुपारी दिल्याचे समोर आल आहे. जो पर्यंत तो मरणार नाही, तो पर्यंत मला झोप लागणार नाही अस महिलेने मुलाचा मित्र असलेला आरोपी पियुष शिंदे याच्याकडे म्हणत होती, त्यानंतर महिलेने बँकेतून लाखो रुपये काढून हल्लेखोराना दिल्याची कबुली महिलेने पोलिसांनी दिली. खूनाच्या प्रकरणात तरुणीची आईच मुख्य सूत्रधार निघाल्याने खळबळ उडाली आहे.