Girl Performs Wedding Rituals with Lovers Corpse Saam
महाराष्ट्र

'...तरीही मी कायम त्याचीच राहीन'; वडील अन् भावाकडून बॉयफ्रेंडची हत्या, तरुणीने मृतदेहासोबत केलं लग्न

Girl Performs Wedding Rituals with Lovers Corpse: प्रेयसीच्या वडील अन् भावाचा मुलीच्या प्रेमप्रकरणाला विरोध. मुलीचे वडील, भाऊ आणि इतर साथीदारांनी मिळून तरूणाची गोळ्या झाडून हत्या केली.

Bhagyashree Kamble

नांदेडमधून प्रेमसंबंध प्रकरणाचा भयानक शेवट पाहायला मिळत आहे. एका तरूणाची मुलीचे वडील आणि भावाने मिळून निर्घृण हत्या केली आहे. पण यानंतर एक वेगळंच चित्र पाहायला मिळालं. प्रियकराच्या मृत्यूनंतर तरूणीनं त्याच्या पार्थिवदेहाशी विवाह केला. 'तो मरण्यापूर्वीही आणि मरणानंतरही मी त्याचीच राहणार', अशा शब्दांत तिनं प्रेमाची शपथ घेतली. सध्या या घटनेची गावात चर्चा सुरू आहे.

नांदेडमधून हा संपूर्ण प्रकार उघडकीस आला आहे. सक्षम ताटे (वय वर्ष २५) आणि आंचल मामीडवर (वय वर्ष २१) असे प्रेमीयुगुलांचे नाव आहे. या दोघांचे प्रेमसंबंध होते. सक्षम ताटे आणि आंचलचा भाऊ हिमेश मामीडवार दोघे मित्र होते. दोघांची गून्हेगारीची पार्श्वभूमी आहे. दीड महिन्यापूर्वी सक्षम जामिनावर सुटून आला होता.

सक्षम आणि आंचलच्या प्रेम संबंधाची माहिती आँचलचे वडील गणेश मामीडवार यांना मिळाली. सक्षम आणि आंचलच्या प्रेम प्रकरणाला वडील आणि भावांचा विरोध होता. मात्र, आचंल सक्षमला सोडायला तयार नव्हती. याच कारणास्तव आंचलचे वडील आणि भावांनी मिळून सक्षमच्या हत्येचा कट रचला.

गुरूवारी रात्री नांदेड शहरातील जुना गंज भागात, सक्षम ताटे या तरुणाची गोळ्या झाडून आणि दगडाने ठेचून निर्घृण हत्या केली. शुक्रवारी सक्षमवर अंत्यसंस्कार करण्यात आले. त्यापूर्वी प्रेयसीनं सक्षमसोबतच लग्न करणार असा निर्णय घेतला. दरम्यान, आंचलने सक्षमच्या पार्थिवदेहाला हळद आणि कुंकू लावून लग्न केलं.

'प्रेम संबंधाला विरोध असल्याने माझ्या वडिलांनी आणि भावांनी मिळून सक्षमची हत्या केली. प्रियकर सोडून गेला, तरीही आमचं प्रेम जिंकलं', असं म्हणत प्रेयसीनं टाहो फोडला. तसेच आरोपींनी शिक्षा व्हावी, अशी मागणीही यावेळी तिनं व्यक्त केली. दरम्यान या खून प्रकरणी इतवारा पोलीसांनी गुन्हा दाखल केला.आंचलच्या वडील आणि भावासह अन्य दोघांना अटक करण्यात आली.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ladki Bahin Yojana: तुमचा नवरासुद्धा १०० रुपये देत नाही, देवाभाऊंनी १५०० दिले; लाडक्या बहिणींना उद्देशून भाजप नेत्याचं अजब विधान

Maharashtra Live News Update: निम्न पैनगंगा प्रकल्प धरण विरोधी यवतमाळमध्ये दगडफेक

Maharashtra : महाराष्ट्र-छत्तीसगड सीमेजवळ पोलिसांची मोठी कामगिरी; ८९ लाख बक्षीस असलेले ११ नक्षलवादी सरेंडर

Skin Care: ड्रायनेसमुळे चेहरा डल पडलाय? मग 'या' फळाच्या घरगुती फेसपॅकने मिळेल नॅचरल ग्लोईंग आणि सॉफ्टो स्किन

Idli Manchurian: उरलेल्या इडल्या फेकून देताय? करा कुरकुरीत शेजवान इडली मंचुरियन, संध्याकाळच्या नाश्त्यासाठी परफेक्ट रेसिपी

SCROLL FOR NEXT