संजय सूर्यवंशी

नांदेड : नांदेडच्या किनवट शहरात रविवारी रात्री दोन गटात हाणामारी झाल्याची घटना घडली. लग्नात (Marriage) डीजे लावण्यात आला होता. या डिजेच्या गाण्यावर नाचत असताना दुसऱ्या गटाकडून डिजे बंद करा असे धमकवण्यात (Nanded) आल्याने वाद झाला. या वादाचे रूपांतर हाणामारीत झाले. (Maharashtra News)

सध्‍या लग्‍नसराई सुरू आहे. यात नांदेडमध्‍ये असलेल्‍या लग्‍नसोहळ्यात रविवारी डीजे सुरू होता. परंतु, हा डीजे बंद करा; असे काहींनी सांगितले. यावरून दोन गटात वाद झाला. यातील काहीनी दगडफेक देखील केली. या दगडफेकीत एक जण गंभीर जखमी झाला आहे. या घटनेनंतर किनवट शहरात तणावाचे वातावरण निर्माण झाले होते. या घटनेची माहिती मिळताच पोलीस अधिक्षक श्रीकृष्ण कोकाटे यांच्या सह वरिष्ठ पोलीस अधिकारी किनवट येथे दाखल झाले.

११ जण पोलिसांच्‍या ताब्‍यात

दोन्ही गटातील ११ जणांना पोलिसांनी ताब्यात घेतले आहे. दोन्ही गटाच्या तक्रारीवरून गुन्हे दाखल करण्यात आले आहेत. सदरील घटना किरकोळ असून सध्या किनवट शहरात शांतता आहे. कुठल्याही अफवांवर विश्वास ठेवू नये, अफवा पसरवल्यास कारवाई करण्याचा इशारा पोलीस अधीक्षक श्रीकृष्ण कोकाटे यांनी दिला.