Nagpur Rain Update: उन्हामुळे नागरिक हैराण झाले आहेत. त्यातच आता विदर्भकरांना उकाड्यापासून काही प्रमाणात दिलासा मिळण्याची शक्यता आहे. कारण विदर्भातील काही भागांमध्ये पुढील तीन दिवस वादळी पावसाचा अंदाज वर्तवण्यात आला आहे. अमरावती, वर्धा, वाशिम आणि यवतमाळ या जिल्ह्यांमध्ये विजेच्या कडकडाटासह वादळी पावसाची शक्यता वर्तवण्यात आली आहे. नागपूर वेधशाळेने असा अंदाज व्यक्त केला आहे. (Latest Marathi News)

पुढील तीन दिवसांत विदर्भात तुरळक ठिकाणी मेघगर्जनेसह पावसाची (Rain) शक्यता वर्तवण्यात आली आहे. सोबतच विजांच्या कडकडाटासह जोरदार वारेही वाहण्याचा अंदाज आहे. त्यामुळे उकाड्यापासून हैराण असलेल्या विदर्भकरांना काही प्रमाणात दिलासा मिळणार आहे. त्यासोबतच नागरिकांना काळजी घेण्याचं आवाहन देखील हवामान विभागाने केलं आहे. (Nagpur Rain)

मान्सून ४८ तासात केरळात दाखल होण्याची शक्यता?

पुढील ४८ तासात मान्सून केरळात दाखल होण्याची शक्यता वर्तवण्यात आली आहे. यंदा मॉन्सून केराळत दाखल होण्याची वेळ लंबली असली तरी आता मॉन्सूनच्या वाटचालीस आता वेग आला आहे.

पुढील ४८ तासांमध्ये मॉन्सून (Monsoon) केरळ मध्ये दाखल होण्याची शक्यता हवामानशास्त्र विभागाने वर्तवली आहे. हवामानशास्त्र विभागाच्या अंदाजानुसार ४ जून पर्यंत मॉन्सून केरळात येणार होता. प्रत्यक्षात मात्र त्यास आणखीन थोडा विलंब झाला. सध्या अरबी समुद्रातील ‘बिपरजॉय’ चक्रीवादळाची तीव्रता वाढत असून हे चक्रीवादळ उत्तरेकडे सरकले.

त्यामुळे केरळमध्ये मॉन्सूनला दाखल होण्यासाठी येत्या उशीर झाला. शुक्रवारपर्यंत मॉन्सून केरळमध्ये दाखल होण्याची शक्यता आहे. त्यानंतर हळूहळू देशात मॉन्सूनचा प्रवास सुरू होणार.