नागपूर शहरातून एक धक्कादायक बातमी समोर येत आहे. एका रहिवासी भागातून पोलिसांनी सेक्स रॅकेटचा पर्दाफाश केला आहे. पोलिसांनी शहरातील प्रमिला प्रकाश हॉटेलवर छापा टाकला. तेव्हा हे प्रकरण उघडकीस आलं. ऑपरेशन शक्तीचा भाग म्हणून पोलिसांनी ही कारवाई केली. हे प्रकरण उघडकीस येताच परिसरात खळबळ उडाली आहे.

पोलिसांनी सांगितले की, सेक्स रॅकेट चालवणारा व्यक्ती पैशांचे आमिष दाखवून तरूणींना वेश्याव्यवसायात ढकलत होता. त्यांना जबरदस्तीनं वेश्या व्यवसाय करण्यासाठी भाग पाडत होता. पोलिसांना प्रमिला हॉटेलमध्ये वेश्याव्यवसाय सुरू असल्याची माहिती मिळाली होती. त्यांनी हॉटेलची चौकशी करण्यासाठी एका बनावट ग्राहकाला पाठवले.

बनावट ग्राहक पोलिसांच्या सांगण्यावरून हॉटेलमध्ये गेला. तेव्हा हे संपूर्ण प्रकरण उघडकीस आलं. बनावट ग्राहकाने हॉटेल चालकाचा संपूर्ण दुष्कृत्याचा पर्दाफाश केला. पोलिसांनी तातडीने प्रेमिला हॉटेलवर छापा टाकला. तसेच वेश्या व्यवसायातून तीन मुलींना सुरक्षितपणे वाचवले. तसेच कांचन नीमजे आणि हेमंत कुमार शुक्ला या दोघांना पोलिसांनी अटक केली आहे.

नागपूर पोलिसांच्या सामाजिक सुरक्षा विभागाने सांगितले की, ही कारवाई ऑपरेशन शक्ती या मोहिमेअंतर्गत करण्यात आली आहे. जी गेल्या महिन्यांपासून मानवी तस्करी आणि सेक्स रॅकेटविरूद्ध कठोर कारवाई करत आहे. पोलिसांनी छाप्यादरम्यान, हॉटेलचे सीसीटीव्ही कॅमेरे, डीव्हीआर आणि इतर पुरावेही जप्त केले आहे.