Nagpur Aarati Gurav Death Saam TV
महाराष्ट्र

Nagpur News : भयंकर! हेडफोन लावून रेल्वेरुळ ओलांडणं बेतलं जीवावर; ट्रेनच्या धडकेत तरुणीचा जागीच मृत्यू

Headphone लावून रस्त्याने जाणाऱ्या एका तरुणीचा ट्रेनच्या (Train) धडकेत मृत्यू झाला आहे.

संजय डाफ, साम टीव्ही, नागपूर

नागपूर : टेक्नॉलॉजीमुळे मानवाचं जीनव काहीसं सोपं झालं आहे. अनेक गॅजेटमुळे आपली कामं सोपी होतात, मनोरंजन होतं. मात्र माणसांकडून टेक्नॉलॉजीच्या चुकीच्या वापरामुळे दुष्परिणामही भोगावे लागत आहे. अशीच एक घटना नागपुरातून समोर आली आहे. हेडफोन लावून रस्त्याने जाणाऱ्या एका तरुणीचा ट्रेनच्या (Train) धडकेत मृत्यू झाला आहे. (Latest Marathi News)

ही दुर्देवी घटना बुधवारी सकाळी १० वाजेच्या सुमारास डोंगरगाव रेल्वे क्रॉसिंगजवळ घडली. आरती मदन गुरव असं मृत्युमुखी पडलेल्या विद्यार्थीनीचं नाव आहे. आरती ही मूळ भंडारा जिल्ह्यातील सातोना या गावची निवासी आहे. ती डोंगरगाव जवळील वैनगंगा अभियांत्रिकी महाविद्यालयात बीई प्रथम वर्षाला शिक्षण घेत होती.

बुधवारी सकाळी १० वाजेच्या सुमारास आरती नेहमीप्रमाणे कॉलेजला निघाली होती. दरम्यान, कानात हेडफोन लावून रेल्वेरूळ क्रॉस करत असताना, पाठीमागून येणाऱ्या ट्रेनचा आवाज आरतीला आला नाही. क्षणात काही समजण्याच्या आतच ट्रेनने तिला जबर धडक (Accident) दिली.

धडक इतकी भीषण होती की, आरती ट्रेनखाली आली. या भयंकर घटनेत आरतीच्या चिंधड्या उडाल्या. घटनेची माहिती मिळताच, पोलिसांनी तातडीने घटनास्थळी धाव घेत आरतीचा मृतदेह ताब्यात घेतला. नेहमी हसत-खेळत राहणारी आरती अचानक निघून गेल्याने तिच्या कुटुंबीयांवर दु:खाचा डोंगर कोसळला आहे.

Edited By - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Divya Deshmukh : गँडमास्टर दिव्या देशमुखचं फडणवीसांकडून कौतुक, व्हिडीओ कॉलद्वारे दिल्या शुभेच्छा

Mumbai Firing : मुंबई हादरली! 32 वर्षीय तरुणीवर गोळीबार, परिसरात खळबळ

Tharवाल्याचा विकृतपणा! आधी कट मारला, नंतर रिव्हर्स घेत वृद्धाच्या अंगावर घातली भरधाव कार|Video Viral

Pune Rave Party : एकनाथ खडसेंचा जावई अडकला की, अडकवला? पुणे रेव्ह पार्टी प्रकरणात आता नवा ट्विस्ट

CPR Controversy : महिलेला CPR देणे शिक्षकाला पडलं महागात; चुकीच्या पद्धतीने हात लावल्याचा आरोप

SCROLL FOR NEXT