Nagpur News : तीन वर्ष बंद असलेल्या आणि नुकताच सुरु करण्यात आलेल्या स्विमिंग पूलमध्ये बुडून एका डॉक्टरचा मृत्यू झाला आहे. नागपूर जिल्ह्यातील कळमेश्वर येथील ही घटना आहे.

उन्हाळी स्विमिंग शिबिरात स्विमिंग पूलमध्ये पोहत असताना या डॉक्टरचा मृत्यू झाला आहे. डॉ. राकेश दुधे हे काल सायंकाळी पोहायला गेले असता पाण्याचा अंदाज न आल्याने ते बुडायला लागले. त्यानंतर सहकाऱ्यांनी त्यांना स्विमिंग पूलच्या बाहेर काढलं. तोपर्यंत त्यांच्या नाका तोंडात पाणी गेल्याने ते बेशुद्ध पडले.  (Latest Marathi News)

पुढील उपचारासाठी त्यांना रुग्णालयात नेण्यात आलं असता डॉक्टरांनी त्यांना मृत घोषित केले. या घटनेनंतर सर्वत्र हळहळ व्यक्त होत आहे.

मात्र डॉक्टर बुडत असताना तेथील प्रशिक्षक काय करत होते? हा प्रश्न आता उपस्थित करण्यात येत आहे. नगरपरिषदेने हे स्विमिंग पूण तीन वर्षांपासून बंद होते. या मार्च मध्येच नव्याने सुरु केले. सध्या या स्विमिंग पुलच्या देखरेखेची जबाबदारी साई अक्वाटेक या कंपनीकडे आहे.