नागपूर जिल्ह्यातून एक मोठी बातमी समोर आली आहे. नागपूर जिल्हा चौथ्यांदा भूकंपाच्या धक्क्यांनी हादरला आहे. बुधवारी दुपारी 4 च्या सुमारास कामठी परिसरात 2.4 तीव्रतेचे धक्के नोंदवले गेले आहेत. हे धक्के भूगर्भात पाच किलोमीटर खोल नोंदवले गेले आहेत. यापूर्वी पारशवनी उमरेड परिसरात भूकंपाचे धक्के जाणवले होते. गेल्या काही दिवसांपासून सतत भूंकपाचे धक्क जाणवत असल्यामुळे नागरिकांमध्ये भीतीच वातावरण पसरलं आहे.
नागपूर जिल्ह्यातील सावनेर तालुक्यात शुक्रवारी भूकंपाचे धक्के बसले होते. त्याची तीव्रता खूप कमी होती त्यामुळे नागरिकांना त्याची जाणीव झाली नाही. रिश्टर स्केलवर या भूकंपाची २.५ इतकी नोंद झाली होती. हा भूंकपाची घटना ताजी असताना असताना सलग दुसऱ्या दिवशी दुपारी २:२४ मिनिटांनी कुही तालुक्यात भूकंपाचे हादरे जाणवले. भूकंपाची तीव्रता रिश्टर स्केलवर २.४ होती.
नागपूर परिसरात सलग चारवेळा भूकंपाचे धक्के जाणवले आहेत. त्यामुळे या भागात भीतीचं वातावरण आहे. नागपूर व आजूबाजूचा परिसर इंडियन प्लेट्सनी बनला आहे. त्यामुळे या प्लेट्सचं सारखं घर्षण होत असंत. मात्र सध्या झालेल्या भूकंपाची तिव्रता खूपचं कमी असल्यामुळे घाबरण्याचं कारण नसल्याचं भूगर्भ शास्त्रज्ञांनी म्हटलं आहे. नागपूर जिल्ह्यात मोठ्या प्रमाणात कोळसा खाणी आहेत. त्याच्या उत्खननासाठी नियमितपणे स्फोट घडवून आणले जातात. त्यामुळे पोकळी निर्माण होते. यातून भूकंपाचे धक्के बसू शकतात, असा अंदाजही वर्तवण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.