Maharashtra Live News Update : पुण्याच्या भाजप प्रवेशाचा तिसरा अंक आज मुंबईत

पालकमंत्र्यांनी ताफा थांबवून घेतला आढावा...

मंत्री विखे पाटलांनी अपघाताची पाहणी करत प्रशासनाला केल्या मदतीच्या सूचना...

काल रात्री 10 वाजेच्या सुमारास लोणी गावात ट्रक आणि कारचा अपघात...

अपघातात कारचे मोठे नुकसान.. सुदैवाने जीवितहानी नाही...

नेवासा दौऱ्यावरून परतणाऱ्या विखे पाटलांनी अपघातस्थळी ताफा थांबवत घेतला आढावा..

अमरावती महानगरपालिका निवडणुकीच्या पार्श्वभूमीवर राष्ट्रवादी काँग्रेस शरदचंद्र पवार गटाने अमरावतीत पत्रकार परिषदेत भूमिका मांडली. आमचा शरद पवार गट,कम्युनिस्ट, फॉरवर्ड ब्लॉक आणि रिपब्लिकन पक्षासोबत एकत्रितपणे 80 जागांवर निवडणूक लढवण्याचा निर्धार जाहीर करण्यात आला.तसेच मनसे, ठाकरे गट, शरद पवार गट,वंचित अशी देखील युतीची होऊ शकते तशा बैठका आमच्या चालू आहे, जागावाटप आणि विविध मुद्द्यावर आमच्या चर्चा चालू आहे अशी माहिती शरद पवार गटाचे शहराध्यक्ष डॉ. हेमंत देशमुख यांनी दिली

- कोल्हापूर महापालिका निवडणूक लढवण्यासाठी विविध करांचा भरणा करण्याची आवश्यकता असल्याने आजपर्यंत इच्छुकांनी २४ लाख ३७ हजारांचा भरणा केला आहे. ५९९ इच्छुकांनी 'ना हरकत" दाखल्यासाठी अर्ज केले आहेत. अर्ज दाखल करताना महापालिकेचे कोणतेही देणे थकीत नसल्याची अट आहे. त्यामुळे अर्ज छाननीतून अवैध होऊ शकतो. त्यासाठी महापालिकेने ना हरकत दाखला देण्यासाठी एक खिडकी केंद्र सुरू केले आहे. त्यामध्ये पहिल्या दिवसापासून इच्छुकांनी अर्ज करण्यास सुरुवात केली आहे. आतापर्यंत ५९९ इच्छुकांनी ना हरकत दाखल्यासाठी अर्ज केले आहेत. त्यातील ४७७ दाखले तयार करण्यात आले आहेत, तर ३१० दाखल्यांचे वितरण केले आहे. इतर ६६ अर्जाची कराची रक्कम भरायची आहे, तर ५६ दाखल्यांसाठी विभागांचे अभिप्राय तयार करून ठेवले आहेत. या सर्व प्रक्रियेतून आतापर्यंत २४ लाख ३७ हजार १८१ रुपये इच्छुकांनी महापालिकेकडे जमा केले आहेत.

आमदार राणाजगजितसिंह पाटील यांच्या पत्नी अर्चना पाटलांनी सुरू केला तयारी आढावा दौरा

धाराशिव मधील काक्रंबा आणि उपळा जिल्हा परिषद गटातील कार्यकर्ते पदाधिकाऱ्यांच्या घेतल्या गाठीभेटी

जिल्हा परिषदेचे अध्यक्ष पद सर्वसाधारण महिलेसाठी राखीव

जिल्हा परिषद अध्यक्ष पद अर्चना पाटलांनाच मिळेल अशा आरक्षण जाहीर झाल्यानंतर समर्थकांकडून समाज माध्यमांवर करण्यात आल्या होत्या पोस्ट

यापूर्वीही जिल्हा परिषदेच्या उपाध्यक्षा राहिलेल्या आहेत अर्चना पाटील

-नाशिकच्या मालेगाव महापालिकेच्या निवडणूकीसाठी गेल्या दोन दिवसात सात विभागातून एकूण १९७ इच्छूकांनी ४०४ अर्ज खरेदी केले असून सर्वात जास्त ७८ अर्ज इच्छूक उमेदवारी घेतले आहे.दोन दिवसात मात्र एकही उमेदवारी अर्ज दाखल झालेला नाही,तर अद्याप मालेगाव मध्ये शिवसेना-भाजपाची जागा वाटपा ची बैठक झालेली नसल्याने सर्व इच्छूकांच्या नजरा त्याकडे लागल्या आहेत.

परभणी महानगर पालिकेसाठी उद्धव ठाकरेंच्या शिवसेनेने जोरदार तयारी सुरू केली आहे.पक्ष फुटी राज्यात परभणीचे खासदार संजय जाधव आणि आमदार डॉ राहुल पाटील या दोन्ही नेत्यांनी उद्धव ठाकरे यांच्या बरोबर राहण्याचा निर्णय घेतला मात्र या दोघात काही मतभेद मनभेद होते आता महापालिका निवडणुकीसाठी हे दोन्ही नेते एकत्र आले आहेत दोघांमध्ये ही मनोमिलन झाले आहे.आमच्या दोघात काही असले तरी आम्ही ते बाजूला ठेवून कार्यकर्त्यांच्या या निवडणुकीत एकदिलाने काम करू तसेच आमदारांच्या नेतृत्वाखाली परभणी महानगर पालिका निवडणूक लढवू आणि परभणीत महापौर हा शिवसेनेंचाच बसवू असा विश्वास खासदार संजय जाधव यांनी व्यक्त केलाय.हे दोन्ही नेते एकत्र येणे उद्धव ठाकरेंच्या शिवसेनेसाठी ही या निवडणुकीतील अत्यंत जमेची बाजू असणार आहे.

वाशिम शहरातील मुख्य रस्त्यावरील श्री शिवाजी विद्यालयाच्या समोरील फूटपाथवर असलेल्या लघु व्यावसायिकांच्या दोन दुकानाला आग लागल्याची घटना घडलीये, यामध्ये एक कापडाचे व चप्पलचे दुकान जळून खाक झाले आहे, वाशिम नगर पालिकेच्या अग्निशमन दलाच्या वतीने आग विजविण्यात आली असली तरी, लागलेल्या आगीमुळे लघु व्यवसायिकांचे मोठ आर्थिक नुकसान झाले आहे,नेमकी आग कशामुळे लागली हे अद्याप अस्पष्ट आहे...

मुंबईत होणार भाजप पक्ष प्रवेश

पुण्यातील काही आजी माजी नगरसेवक, पदाधिकारी यांचे भाजप प्रवेश

पुणे महापालिका निवडणुकीसाठी अनेकांची भाजप मध्ये एन्ट्री

पुणे महापालिका निवडणुकीत थेट पॅनल जिंकून आणण्याचा भाजपचा निर्धार

उद्धव ठाकरेंची शिवसेना आणि राज ठाकरेंची महाराष्ट्र नवनिर्माण सेना एकत्र येत महानगरपालिकांच्या निवडणुकीच्या पार्श्वभूमीवर युतीची घोषणा केली. तब्बल 20 वर्षानंतर हे दोन्ही ठाकरे बंधू एकत्र आल्यानं राज्यभरात ठाकरे आणि मनसेचे पदाधिकारी जल्लोष साजरा करत असताना भंडाऱ्यातही या दोन्ही भावांच्या पक्षांच्या युतीचा जल्लोष करण्यात आला. भंडाऱ्याचे ठाकरे सेनेचे जिल्हाप्रमुख संजय रेपाळे आणि मनसेचे जिल्हाप्रमुख नितीन वानखेडे यांच्या असंख्य कार्यकर्ता आणि पदाधिकाऱ्यांनी भंडारा शहरातील गांधी चौकात या युतीचा जल्लोष साजरा केला. यावेळी फटाक्यांची आतषबाजी करून जय भवानी जय शिवाजीसह उद्धव आणि राज ठाकरेंच्या युतीचा जयघोष करण्यात आला. यावेळी कार्यकर्त्यांनी एकमेकांना पेढा भरवून हा जल्लोष केला.

नाताळ सुट्यांच्या पाश्र्वभूमीवर 25 डिसेंबर ते 31 डिसेंबर या कालावधीत सामान्य भाविकांसाठी तुळजाभवानी मातेचे महाद्वार बंद करण्याचा निर्णय मंदीर संस्थानच्या वतीने घेण्यात आला आहे.या कालावधीत भाविकांना कुंभार गल्लीतील झुलत्या पायऱ्यांवरून मंदीरात सोडण्यात येणार आहे.तर 200 रुपयांचे सशुल्क दर्शन पास तसेच रेफरल दर्शन पास बंद असणार आहे.माञ व्हीआयपींसह 500 रुपयांचे स्पेशल दर्शन पास,अभिषेक पूजा व सिंहासन पुजेच्या भाविकांना महाद्वारातुन सोडण्यात येणार आहे.28 डिसेंबर पासून तुळजाभवानी मातेचा शांकभरी नवरात्रोत्सवाला प्रारंभ होत आहे.भाविकांना सुलभ दर्शन व भाविकांचा गर्दीवर नियंत्रण ठेवण्यासाठी मंदीर संस्थानच्या वतीने हा निर्णय घेण्यात आला आहे.