नागपूर : शहरात धक्कादायक घटना समोर आली आहे. नोकरी लावण्याच्या बहाण्याने एका तरुणीवर अत्याचार केल्याची बाब समोर आली आहे. अंबाझरी पोलिसांनी (Police) आरोपी नीलेश योगेश्वर हेडाऊ या संशयिताला अटक केली आहे. (nagpur crime news Atrocities on young women showing job lure)

अंबाझरी येथे राहणारी २४ वर्षीय तरुणी (Nagpur News) नोकरीच्या शोधात बहिणीसह सीताबर्डी येथे आली होती. दोघी बहिणी मोरभवन बसस्थानकावर नोकरीबाबत चर्चा करत होत्या. त्याच्याजवळ उभ्या असलेल्या आरोपी (Crime News) नीलेशने त्याचे बोलणे ऐकले आणि आपल्याकडे नोकरी असल्याचे आमिष त्यांना दाखवले. स्वत:ची ओळख हॉटेल मालक अशी करून दिली. आरोपीने तरुणीकडून मोबाइल क्रमांकही घेतला.

हॉटेलवर जॉब असल्‍याचे सांगत अत्‍याचार

संशयित आरोपी नीलेशने तरुणीला फोन करून गणेशपेठ बसस्थानकावर बोलावत तिला एका हॉटेलमध्ये रिसेप्शनिज म्हणून जॉब आहे. त्याच्या मुलाखतीसाठी जायचे आहे. त्यानंतर तरुणीला भंडारा येथे घेऊन गेला. तेथे त्याने तिथे मुलीवर जबरदस्ती केली. नीलेशने तिला पुन्हा घरात नेऊन अत्याचार केला. रात्रभर ओलिस ठेवल्यानंतर आरोपीने तरुणीला गणेशपेठ बसस्टँडजवळ सोडत झालेला प्रकार कोणाला सांगितला तर तुला ठार मारीन म्हणून धमकावले. घरी आल्यानंतर पीडित मुलीने झालेला प्रकार आपल्या बहणीला सांगितला. त्यानंतर तरुणीने अंबाझरी पोलीस ठाण्यात तक्रार दिली. पोलिसांनी तपास सुरू केला असता आरोपी नीलेश हेडाऊ असल्याचे निष्पन्न झाले. त्याला अटक करण्यात आली. अंबाझरी पोलिसांनी नीलेशला तत्काळ अटक केली. त्याच्यावर अत्याचार आणि धमकीचा गुन्हा दाखल करण्यात आला असून त्याला 7 जुलैपर्यंत पोलीस कोठडी मिळाली आहे.