NAGPUR BRIBERY CASE OFFICIAL CAUGHT RED HANDED TAKING 5 LAKH ACB ACTION Saam Tv
महाराष्ट्र

Nagpur : नागपुरात ACBची मोठी कारवाई! बड्या अधिकाऱ्याला ५ लाखांची लाच घेताना रंगेहाथ पकडलं; असा अडकला जाळ्यात

Nagpur News : नागपूर जिल्हाधिकारी कार्यालयातील महसूल सहाय्यक ५ लाखांची लाच घेताना ACBच्या जाळ्यात अडकला. बांधकाम प्रकरण निकाली काढण्यासाठी मागणी केल्याचा आरोप. .

Alisha Khedekar

  • नागपूरात ५ लाखांची लाच घेताना अधिकारी पकडला

  • ACBने सापळा रचून केली कारवाई

  • महसूल सहाय्यकाविरुद्ध गुन्हा नोंद प्रक्रिया सुरू

  • भ्रष्टाचाराचा मुद्दा पुन्हा ऐरणीवर

नागपुरातून मोठी बातमी समोर आली आहे. जिल्हाधिकारी कार्यालयातील एका बड्या अधिकाऱ्याला ५ लाखांची लाच घेताना रंगे हाथ पकडण्यात आल्याची घटना घडली आहे. बांधकामाशी संबंधित अपील प्रकरण निकाली काढण्यासाठी ही लाच घेण्यात आल्याची माहिती आहे. नरेश साधूरावजी बर्वे (वय ५४) असे अधिकाऱ्याचे नाव असून महसूल सहाय्यक म्हणून नागपूरच्या जिल्हाधिकारी कार्यालयात कार्यरत आहे. या घटनेनंतर नागपूर जिल्हाधिकारी कार्यालयात खळबळ उडाली आहे. दरम्यान या प्रकरणी पोलीस अधिक तपास करत आहेत.

मिळालेल्या माहितीनुसार, तक्रारदाराच्या शिवाजीनगर, महाल परिसरातील नझुल प्लॉटवरील बांधकामासंदर्भातील अपील अतिरिक्त जिल्हाधिकारी कार्यालयात प्रलंबित होते. हे प्रकरण निकाली काढण्यासाठी आरोपी बर्वे यांनी तक्रारदाराकडे पाच लाख रुपयांची मागणी केली होती. तक्रारदाराने याबाबत ACBकडे तक्रार दाखल केल्यानंतर १७ आणि २० एप्रिल रोजी पडताळणी करण्यात आली. या पडताळणीत बर्वे लाचेची मागणी करत असल्याचे स्पष्ट झाले.

यानंतर ACBच्या पथकाने सापळा रचण्याचा निर्णय घेतला. ठरल्याप्रमाणे शुक्रवारी रात्री साडेअकराच्या सुमारास नंदनवन परिसरात तक्रारदाराने पंचासमक्ष आरोपीला लाचेची रक्कम दिली. बर्वे यांनी पाच लाख रुपये स्वीकारताच दबा धरून बसलेल्या पथकाने त्यांना रंगेहात पकडले. कारवाईदरम्यान आरोपीच्या अंगझडतीतून पाच लाख रुपयांची रक्कम जप्त करण्यात आली.

विशेष म्हणजे, या रकमेत काही बनावट नोटांचाही समावेश असल्याची प्राथमिक माहिती समोर आली आहे. दरम्यान, आरोपीविरुद्ध नंदनवन पोलिस ठाण्यात भ्रष्टाचार प्रतिबंधक कायद्यान्वये गुन्हा नोंदविण्याची प्रक्रिया सुरू आहे. पुढील तपास पोलीस निरीक्षक विवेक पडघान यांच्या मार्गदर्शनाखाली सुरू असून, या प्रकरणात आणखी कोणाचा सहभाग आहे का याचाही तपास केला जात आहे. या घटनेमुळे शासकीय कार्यालयांतील भ्रष्टाचाराचा मुद्दा पुन्हा एकदा ऐरणीवर आला असून, नागरिकांनी अशा प्रकारच्या गैरप्रकारांविरोधात पुढे येऊन तक्रार करावी, असे आवाहन ACBकडून करण्यात आले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Shweta Tiwari Photos : 45 व्या वर्षी श्वेता तिवारी बनली कॉलेज गर्ल, क्यूट फोटोंनी इंटरनेटवर घातला धुमाकूळ

मोठी बातमी! उद्धव ठाकरे मध्यरात्री मुख्यमंत्र्यांना भेटल्याचा दावा; संजय राऊत काय म्हणाले?

Maharashtra News Live Update: मुख्यमंत्री देवेंद्र फडणवीस थोड्याच वेळात त्र्यंबकेश्वर मंदिरात दर्शनाला पोहचतील

Shaktipeeth Mahamarg: ४ तालुके, ३४ गावं, सोलापूरातील या ठिकाणाहून जाणार शक्तीपीठ महामार्ग; जमिनीच्या किंमती रातोरात दुप्पट

Kitchen Hacks: कांदा कापताना डोळ्यांत पाणी येतं? वापरा १ जबरदस्त ट्रिक

SCROLL FOR NEXT