पराग ढोबळे, नागपूर प्रतिनिधी

Nagpur Crime Latest News : राज्याची उपराजधानी नागपूरमधून एक हादरवणारी बातमी समोर आली आहे. येथील ओबीसी मुलींच्या वसतिगृहात शिरुन विद्यार्थीनीचा विनयभंग करण्यात आल्याची धक्कादायक घटना घडली आहे. नागपूरात सरकारी वसतीगृहात हा प्रकार घडला आहे. आरोपी दाराची कुंडी काढून आत शिरले अन् तरूणीवर अत्याचार केला. सरकारी वस्तीगृहात सीसीटीव्ही नाहीत, त्याशिवाय पुरेसी सुरक्षाही नसल्याचे समोर आले आहे. पोलिसांनी यापरकरणी गुन्हा दाखल केला असून तपास सुरू आहे.

नागपूरमधील सरकारी मुलींच्या हॉस्टेलमध्ये आरोपी घुसले. ते कडी काढून एका मुलीच्या खोली शिरले अन् विनयभंग केला. त्यानतर मुलीचा मोबाईल घेऊन पसार झाले. २२ तारखेला रात्री तीन वाजता ही धक्कादायक घटना घडली. या प्रकरणी दोन आरोपींवर गुन्हा दाखल करण्यात आला आहे. मिळालेल्या माहितीनुसार, त्या सरकारी हॉस्टेलमध्ये ६४ तरूणी राहातात.

तरूणीच्या तक्रारीनंतर एमआयडीसी पोलीस स्टेशनमध्ये तक्रार दाखल करण्यात आली आहे. पोलिसांकडून आरोपींना शोधण्याचे प्रयत्न करण्यात येत आहेत. पण अद्याप आरोपीला बेड्या ठोकण्यात अपयश आले आहे. हॉस्टेलमध्ये घुसून तरूणीचा विनयभंग झाल्यामुळे इतर तरूणींमध्ये भीतीचे वातावरण आहे. त्याशिवाय नागपूरमधील सुरक्षा व्यवस्था पुन्हा एकदा चर्चेत आली आहे. पोलिसांकडून आरोपीचा शोध कधी लावणार? हॉस्टेलमध्ये सीसीटीव्ही कधी लावले जाणार? हॉस्टेलमधील ६४ मुलीच्या सुरक्षेचा प्रश्न ऐरणीवर आला आहे.