अहमदनगर : ३० वर्षीय महिलेचा हत्या झाल्याची धक्कादायक घटना अहमदनगरमध्ये उघडकीस आली आहे. डोक्यात हत्याराने वार करुन, अंगावरील साडीच्या पदरानेच तिचा गळा आवळण्यात आला आहे. श्रीगोंदा तालुक्यातील सुरेगाव शिवारात हा धक्कादायक प्रकार घडला आहे. डोक्यात हत्याराने वार करुन, अंगावरील साडीच्या पदरानेच तिचा गळा आवळण्यात आल्याचा आरोप आहे.

हे देखील पहा-

महिलेची ओळख पटू नये, म्हणून चेहऱ्यावर केमिकल टाकून तिचा चेहरा पूर्णतः विद्रूप करण्यात आला होता. या घटनेमुळे संपूर्ण परिसरात मोठी खळबळ उडाली आहे. सुरेगाव या ठिकाणी एका शेतातील जमिनीच्या बांधावर महिलेचा मृतदेह आढळून आला आहे. या घटनेची माहिती गावकऱ्यांनी पोलिसांना कळवली आहे. पोलिस निरीक्षक नंदकुमार दुधाळ यांच्यासह अधिकारी कर्मचाऱ्यांनी घटनास्थळी लवकरच धाव घेतली आहे.

घटनास्थळी फॉरेन्सिक तसेच डॉग स्कॉडला पाचारण करत वरिष्ठांना कल्पना देत पाहणी करण्यात आली आहे. या प्रकरणी बेलवंडी पोलिस ठाण्यात पोलिस पाटील महादेव तान्हाजी रोडे यांच्या फिर्यादीवरुन अज्ञात व्यक्तीच्या विरोधात गुन्हा दाखल करण्यात आला आहे. तर या प्रकरणाचा अधिक तपास निरीक्षक दुधाळ करत आहेत.

Edited By- Digambar Jadhav