गडचिरोली : यंदाच्या पावसाने बळीराजाचा घात केला आहे. फुललेल्या पिकाची नासाडी झाली. पै- पै जोडून उभ्या केलेल्या पिकाचे नुकसान बळीराजासाठी वेदनादायी ठरले आहे. एका शेतकऱ्याने आपल्या वेदना गीतातून मांडल्या आहेत. पाण्यात बुडालेले सोयाबीन हातात घेत या शेतकऱ्याने गाणे गायले आहे. शेतक-याचे दैव कसे फिरले, सोयाबीन पाण्याने गेले " असे गीताचे बोल आहेत.
हे देखील पहा-
हा शेतकरी नेमका कुठला, याची माहीती नसली तरी व्हिडिओ समाज माध्यमावर प्रचंड व्हायरल होत आहे. या बळीराजाच्या वेदना आज प्रत्येकच शेतकरी अनुभवत आहेत. गुलाब वादळामुळे राज्यात ढगाळ वातावरण निर्माण झाले होते. राज्यातील काही भागात जोरदार, मध्यम स्वरूपाचा पाऊस बरसला आहे. या पावसामुळे सोयाबीन, कापूस पिकाचे मोठे नुकसान झाले आहे.
सोयाबीन पाण्यात बुडाले आहे. यामुळे सोयाबीन शेंगांना कोंब फुटू लागले होते, तर कापसाची बोंडे काळवंडली होती. या नैसर्गिक प्रकोपामुळे बळीराजाला मोठा आर्थिक फटका बसलेला आहे. हातात येणारे पीक गेल्याने बळीराजा पूर्णतः खचला गेला आहे. बळीराजाच्या या वेदना एका शेतकऱ्याने गीतातून मांडल्या आहेत.
Edited By- Digambar Jadhav
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
