अकोला - महापालिकेने जाहीर केलेली प्रभाग रचना ही सत्ताधारी भाजपच्या (BJP) इशाऱ्यावर झाल्याचा आक्षेप नोंदवत प्रशासनाच्या दोन कर्मचाऱ्यांना दालनात तीन तास बसवून ठेवणाऱ्या काँग्रेसचे (Congress) गटनेता तथा विरोधी पक्षनेता साजीद खान यांनी केलेल्या अर्वाच्च भाषेतील संभाषणाचा व्हिडिओ सोशल मीडियावर व्हायरल (Video Viral) झाला. या व्हिडिओ मूळे एकच खळबळ उडाली आहे. या व्हिडिओ मध्ये प्रदेशाध्यक्ष नाना पटोले (Nana Patole) व महसूल मंत्री बाळासाहेब थोरात (Balasaheb Thorat) यांच्या नावाचाही उल्लेख करण्यात आला असून या व्हिडिओमुळे काँग्रेस पक्षाची लक्तरे वेशीला टांगल्या गेली आहेत. अकोला महापालिका प्रशासनाने १ फेब्रुवारी रोजी प्रभाग रचना जाहीर केली.

हे देखील पहा -

महापालिका प्रशासनाने सत्ताधारी भाजपच्या इशाऱ्यावर प्रभाग रचना करून जाणीवपूर्वक मुस्लीम व दलित वस्त्यांमध्ये मतांचे विभाजन करण्याचे काम केल्याचा आरोप करीत काँग्रेसचे गटनेता तथा विरोधी पक्षनेता साजीद खान यांनी 1 फेबवारी रोजी सायंकाळी जाणीवपूर्वक मुस्लीम व दलित वस्त्यांमध्ये मतांचे विभाजन करण्याचे काम केल्याचा आरोप करीत काँग्रेसचे गटनेता तथा विरोधी पक्षनेता साजीद खान यांनी 1 फेबवारी रोजी सायंकाळी सहायक नगररचनाकार संदीप गावंडे, उत्तर झोनचे क्षेत्रीय अधिकारी विठ्ठल देवकते यांना दालनात तीन तास बसवून ठेवले.

प्रगणक गट समजावून सांगण्याची मागणी करतेवेळी साजीद खान यांनी अर्वाच्च भाषेचा वापर केला. यासंदर्भात व्हिडिओ व्हायरल होताच स्थानिक नेत्यांमध्ये एकच खळबळ उडाली आहे. दरम्यान काल दिवसभर मनपा कर्मचाऱ्यांनी कामबंद आंदोलन केले.

Edited By - Shivani Tichkule