उत्तर प्रदेशात - रामपूरमधील तांडा भागात शुक्रवारी रात्री उशिरा झालेल्या भीषण अपघातात पाच जणांचा जागीच मृत्यू झाला, तर एक जण जखमी झाला. प्राप्त माहितीनुसार, एका अनियंत्रित कारनं ट्रकला धडक दिल्याने हा अपघात झाला आहे. या अपघातात (Accident) कारमध्ये चालकासह 6 जण होते, त्यापैकी 5 जणांचा जागीच मृत्यू झाला असून एक जण जखमी असून त्याच्यावर रुग्णालयात उपचार सुरू आहेत.
रामपूर जिल्ह्यातील तांडा पोलीस स्टेशन परिसरात हा भीषण अपघात झाला. हे सर्व यूपी-उत्तराखंड सीमेवर असलेल्या स्वार शहरात लग्न समारंभासाठी गेले होते. तिथून घरी परतत असताना अचानक कारचं नियंत्रण सुटलं आणि समोरून जाणाऱ्या ट्रकवर ही कार धडकली. दरम्यान या घटनेची माहिती मिळताच पोलिसांनी घटनास्थळ जाऊन मृतदेह शवविच्छेदनसाठी पाठवले आहे. त्याचबरोबर जखमी चालकाला उपचारासाठी जिल्हा रुग्णालयात दाखल करण्यात आले असून त्याच्यावर उपचार सुरु आहे.
घटनास्थळाजवळ क्रॉसरोड असून येथील स्पीड ब्रेकर क्रॉस केल्यानंतर पुढे कारचे नियंत्रण सुटले असल्याची शक्यता आहे. अपघातात मृत्युमुखी पडलेले लोक मुरादाबादमधील जयंतीपूर येथील रहिवासी आहेत. ही अनियंत्रित कार कोणत्या ट्रकला धडकली याचाही शोध घेतला जात आहे अशी माहिती टांडाचे एसडीएम राजेश कुमार यांनी दिली.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.