मुंबई : आगामी महापालिका निवडणुकांमध्ये प्रभाग पद्धतीवरून राज्यातील राजकीय वातावरण ढवळून निघाले असतानाच आता, महापालिका निवडणुकांच्या पार्श्वभूमीवर तीन सदस्यीय प्रभाग पद्धत असणार असल्याची महत्वपूर्ण माहिती समोर येत आहे. या संदर्भातील अध्यादेश, राज्यसरकारने स्वाक्षरीसाठी राज्यपालांकडे पाठवला आहे.

हे देखील पहा :

येणाऱ्या निवडणुकांसाठी महापालिकेत तीन सदस्यांचे, नगरपालिकेत दोन, तर नगर पंचायतीत एक सदस्यीय प्रभाग असणार आहेत. याबाबतचा अध्यादेश आज जारी करण्यात आला आहे. हा अध्यासादेश स्वाक्षरी साठी राज्यपालांकडे पाठवण्यात आला असून राज्यपाल या अध्यादेशावर स्वाक्षरी करणार का याकडे आता राजकीय वर्तुळाचे लक्ष लागले आहे.

दरम्यान, महापालिकेत दोन सदस्यीय प्रभाग रचना असावी अशी मागणी काँग्रेस पक्षासह राष्ट्रवादीची होती. काळ झालेल्या मंत्रिमंडळ बैठकीत यावर चर्चा करण्यात आली होती. मात्र, तीन सदस्यीय प्रभागवरच शिक्कामोर्तब झाले होते. आता याबाबतचा अध्यादेश राज्यपालांकडे पाठवण्यात आला आहे.

Edited By : Krushnarav Sathe