संजय जाधव, प्रतिनिधी...

Mumbai Nagpur Highway Accident: जुन्या मुंबई पुणे नागपूर महामार्गावर खासगी बसला भीषण अपघात झाला. चालकाचे नियंत्रण सुटल्याने ही दुर्घटना घडली असून यामध्ये सात- ते आठ प्रवासी जखमी झाले आहेत. जखमींपैकी ३ जणांची प्रकृती गंभीर असल्याचे सांगण्यात येत आहे. (Accicent News)

याबाबत सविस्तर माहिती अशी की, जुन्या मुंबई पुणे नागपूर महामार्गावर (Mumbai Pune Nagpur Highway) सुलतानपूर नजिक खाजगी बसला भीषण अपघात झाला. बस चालकाला झोप आल्याने भरधाव बस वरील नियंत्रण सुटून बस पलटी झाली. या अपघातात बसमधील सात ते आठ प्रवासी जखमी झाले आहेत.

अपघाताची (Accident) माहिती मिळताच स्थानिक नागरिक तसेच पोलिसांनी तात्काळ धाव घेत जखमींना मदत केली. अपघातातील जखमी प्रवाशांवर सध्या मेहकर रुग्णालयात उपचार सुरू आहेत. यामधील तिघांची प्रकृती गंभीर असल्याचे सांगण्यात येत आहे.

विद्यार्थ्यांनी भरलेल्या बसचा अपघात...

पालघर (Palghar) जिल्ह्यातील वाडा बस आगरातील बसचा भीषण अपघात झाल्याचे समोर आले आहे. ही बस सकाळी प्रवासी घेऊन वाड्याच्या दिशेने येत असताना शहरातील खंडेश्वर नाक्यावर ट्रक व बसची जोरदार धडक झाली. या अपघातात शाळकरी विद्यार्थी जखमी झाले आहेत. बसमध्ये एकूण ५० प्रवासी प्रवास करत असल्याचे सांगण्यात येत आहे. (Latest Marathi News)