मुंबई : चेंबूरच्या वाढवली गावात तरुणाच्या भोसकून हत्या प्रकरणातील सीसीटीव्ही फुटेज समोर आल्यानंतर आरसीएफ पोलिसांनी केवळ १२ तासांत दोन्ही आरोपींना अटक केली आहे. वाढवली गावातील विघ्नेश चांदेल आणि आरोपी सुमित आंबोरे यांच्यात जुन्या वादातून वाद झाले होते. १० तारखेला रात्री सुमितने विघ्नेशला जरिमरी मंदिराजवळ बोलावले आणि सोबतच अट्टल गुन्हेगार ओंकार मोरे याला देखील आणले. त्याच वेळी ओंकार मोरेने विघ्नेश आणि त्याचा भाऊ प्रथमेशवर चाकूने हल्ला केला, यात विघ्नेशचा मृत्यू झाला. घटनेनंतर आरसीएफ पोलिसांनी तात्काळ तपास सुरू करत १२ तासांतच आरोपी सुमित आणि ओंकारला गोवंडी येथून अटक केली आहे.