अभिजीत सोनावणे, साम टीव्ही, प्रतिनिधी

Nashik Accident : मुंबई-आग्रा महामार्गावर एक भीषण अपघात झाल्याची माहिती समोर आली आहे. एका टेम्पोने शाळकरी विद्यार्थिनींना उडवले. या अपघातामध्ये २ ते ३ विद्यार्थिनी गंभीररित्या जखमी झाल्याची प्राथमिक तपासात म्हटले गेले आहे. जखमी शाळकरी विद्यार्थिनींना जवळच्या शासकीय रुग्णालयात उपचारासाठी दाखल करण्यात आले आहे. अपघातामुळे महामार्गावर वाहनांच्या लांबच लांब रांगा पाहायला मिळाल्या.

मिळालेल्या माहितीनुसार, मुंबई-आग्रा महामार्गावरील चांदवड जवळच्या सोग्रसमध्ये एका टेम्पोने काही शाळकरी मुलींना उडवले. छोट्या पिकअप टेम्पोच्या धडकेमध्ये २ ते ३ शाळकरी मुली जखमी झाल्याची माहिती समोर आली आहे. अपघातानंतर घटनास्थळी मोठी गर्दी झाली. जखमी मुलींना चांदवडच्या शासकीय रुग्णालयात दाखल केले आहे.

ज्या वेळी टेम्पोचा अपघात झाला, त्याच दरम्यान राज्याचे शालेय शिक्षण मंत्री दादा भुसे नाशिक येथून मालेगावच्या दिशेने जात होते. त्यांना या अपघाताची माहिती मिळाली. मालेगावला जात असताना ते चांदवड शासकीय रुग्णालयात जखमी मुलींना पाहण्यासाठी पोहोचेल. त्यांनी मुलींची विचारपूस केली आणि डॉक्टरांची भेट घेऊन उपचाराबाबत सूचना दिल्या.

नाशिकमध्ये मुंबई-आग्रा महामार्गावर एका लहान पिकअप टेम्पोने शाळकरी विद्यार्थिंनींना धडक दिली. या अपघातामुळे काही विद्यार्थिनी जखमी झाल्या. पिकअप टेम्पो चालक हा दारु पिऊन टेम्पो चालवत असल्याची माहिती समोर आली आहे. या प्रकरणाची दखल राज्याचे शिक्षण मंत्री दादा भुसे यांनी घेतली आहे.