Ratnagiri News : एकमेकांची डोकी फोडायला सुरुवात झाली आहे. शिंदे विरुद्ध अजित पवार गट, शिंदे विरुद्ध भाजप आणि फडणवीस विरुद्ध भुजबळ असा संघर्ष राज्यात सुरू आहे. एकमेकांची डोकी फोडून यादवी माजेल अशी चिन्हे महाराष्ट्रातील सरकारमध्ये निर्माण झाली आहेत असे मत मंत्री छगन भूजबळ (chhagan bhujbal) यांच्या एका वक्तव्यावर प्रतिक्रिया देताना खासदार विनायक राऊत (MP Vinayak Raut) यांनी रत्नागिरीत माध्यमांशी बाेलताना व्यक्त केले. (Maharashtra News)

खासदार विनायक राऊत म्हणाले मराठा आणि धनगर समाजाला आरक्षण देण्याची जबाबदारी केंद्र सरकारची आहे. महाराष्ट्र राज्याने त्या संदर्भातला ठराव करून पुन्हा एकदा केंद्र सरकारकडे पाठवावा असेही राऊत यांनी म्हटले. केंद्रातील प्रमुख नेत्यांची भेट घ्यावी.

केंद्रातील अधिवेशनात मराठा आणि धनगर आरक्षण संदर्भातला ठराव करावा. केवळ न्यायालयाच्या निर्णयावर विसंबून चालणार नाही असेही खासदार विनायक राऊत यांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भाजपच ओबीसींना न्याय देऊ शकेल असे पंतप्रधान नरेंद्र माेदी म्हणतात या प्रश्नावर खासदार राऊत म्हणाले मराठा आणि ओबीसी समाजात भांडण लावण्याचे काम भाजप करत आहे. दाेन्ही समाजात दुरावा कसा निर्माण होईल यासाठी भाजप प्रयत्न करत आहे असेही राऊत यांनी नमूद केले.

Edited By : Siddharth Latkar