Raj Thackeray Kokan Daura : मातोश्रीने आम्हांला दिलेला त्रास आम्ही विसरू शकत नाही. पण राज ठाकरे (raj thackeray) घेतील तो निर्णय अंतिम असेल अशी भावना मनसेचे नेते अविनाश जाधव (mns avinash jadhav) यांनी उद्धव (uddhav thackeray) आणि राज (raj thackeray) एकत्र येण्यावर दिली आहे. दरम्यान मनसे अध्यक्ष राज ठाकरे यांच्या दाै-याच्या पार्श्वभूमीवर चिपळूण येथे मनसैनिकांनी जाेरदार तयारी केली आहे (Maharashtra News)

आजपासून (गुरुवार) दोन दिवस मनसे अध्यक्ष राज ठाकरे हे कोकण दौऱ्यावर असणार आहेत. मनसे अध्यक्ष राज ठाकरे यांच्या दौऱ्यासाठी रत्नागिरी जिल्ह्यातील मनसैनिक सज्ज झाले आहेत. चिपळूण, खेड दापोली आणि मंडणगड असा त्यांचा दौरा असणार आहे.

पक्ष कार्यालय उद्घाटन आणि कार्यकर्ते पदाधिकारी यांची दौ-यादरम्यान ते भेट, बैठका घेणार आहेत. राजकारणातील सध्य स्थिती पाहता राज ठाकरे यांच्या दौ-याकडे सर्वांचे लक्ष लागून राहिले आहे. चिपळूण येथे मनसे अध्यक्ष राज ठाकरे यांचे हिंदू धर्मरक्षक अशा मथळ्याखाली बॅनर लावण्यात आले आहेत. ठिक ठिकाणी मनसेचे झेंडे आणि मनसे अध्यक्ष राज ठाकरे यांच्या स्वागताचे बॅनर झळकले आहेत.

राज ठाकरेंचे मुसळधार पावसात स्वागत

राज ठाकरे यांचे पावणे बारा वाजता चिपळूणमध्ये आगमन झाले. ढोल ताशांच्या गजरात मनसैनिकांनी त्यांचे स्वागत केले. मुसळधार पावसात राज ठाकरे यांचे शहरात जंगी स्वागत करण्यात आले.

बिनखात्याचे मंत्री

दरम्यान मनसे नेते अविनाश जाधव यांनी सध्या सुरु असलेल्या राजकीय घडमाेडींवर बाेलताना उपमुख्यमंत्री अजित पवार आणि त्यांची टीम बिनखात्याचे मंत्री आहेत. हे सर्व लाेकांची दिशाभूल करण्याचे काम सुरु आहे.

Edited By : Siddharth Latkar