भाईंदर : मीरा भाईंदर शहरात पावसामुळे अनेक सकल भागात मोठ्या प्रमाणावर पाणी साचले आहे. साचलेल्या (Mira Bhayander) पाण्यामुळे येथील राहिवासी पूर्णतः त्रस्त झाले आहे. या पाण्यात उतरून महाराष्‍ट्र नवनिर्माण सेनेने (MNS) पैशांची होळी करत अनोखे आंदोलन केले. (Tajya Batmya)

पावसाळा (Rain) सुरू होण्यापुर्वी महापालिकेकडून नालेसफाई केली जात असते. दरवर्षी हे काम पालिका प्रशासन करत असते. त्‍यानुसार यंदा देखील काम झाले असून मीरा भाईंदर पालिका प्रशासनाने ९९ टक्‍के नाले सफाई केल्‍याचा दावा केला होता. मात्र दुसऱ्या तिसऱ्या पावसातच पालिकेने केलेले दवे फोल ठरले आहेत.

याच गोष्टीचा निषेध व्यक्त करण्यासाठी मनसे आक्रमक झाली आहे. पालिकेचा निषेध व्यक्त करण्यासाठी चक्क पैश्याची होळी करण्यात आली आहे. मीरा भाईंदर पालिका प्रशासनाने पाण्याचे नियोजन केले नाही; तर यापेक्षा अधिक मोठ्या प्रमाणावर आंदोलन करण्याचे आवाहन मनसेने केले आहे.