Dhananjay Munde News Update : गेल्या काही दिवसांपासून मंत्री धनंजय मुंडे यांच्या अडचणी कमी व्हायचे नाव घेत नाहीत. त्यांच्यावर अनेक गंभीर आरोप झाले आहे. वाल्मिक कराड यांच्यापासून ते करूणा शर्मा यांच्यामुळे धनंजय मुंडे अडचणीत सापडले आहेत. आता धनंजय मुंडे यांच्या अडचणीत आणखी भर पडली आहे. निवडणूक शपथपत्रातील माहिती लपवल्या प्रकरणाची सुनावणी आज परळी कोर्टात होणार आहे. कोर्टा काय निर्णय देणार? याकडे परळीकरांचे आणि राज्याच लक्ष लागले आहे.

विधानसभेच्या निवडणुकीत उमेदवारी अर्ज भरताना खरी माहिती दडवल्याबाबत करुणा शर्मा यांनी दाखल केलेल्या ऑनलाइन तक्रारीच्या अनुषंगाने परळीच्या फौजदारी न्यायालयाने मंत्री धनंजय मुंडे यांना न्यायालयाची कारणे दाखवा नोटीस बजावण्याचा आदेश दिला आहे. याबाबत आज परळीच्या फौजदारी न्यायालयात सुनावणी होणार आहे . विशेष आज धनंजय मुंडे न्यायालयात हजर राहिले नाहीत, तर अटक वॉरंट निघून शकते असा तक्रारदाराचे वकील चंद्रकांत ठोंबरे यांनी सांगितलं आहे.

धनंजय मुंडे यांनी २०२४ मध्ये परळी विधानसभा निवडणूक लढविण्यासाठी दाखल उमेदवारी अर्जासोबतच्या शपथपत्रात पत्नी राजश्री मुंडे आणि ३ मुली तसेच करुणा शर्मा यांच्या २ मुलांचा उल्लेख केला होता. मात्र, करुणा शर्मा यांच्या नावावरील मिळकतीबाबत कुठलाही उल्लेख केला नव्हता. त्यांनी वरील खरी माहिती दडविल्याबाबत करुणा शर्मा यांनी बीड येथून परळीच्या फौजदारी न्यायालयात 'ऑनलाइन' तक्रार दाखल केली होती. तक्रारीची मूळ कागदपत्रे ५ फेब्रुवारी २०२५ रोजी न्यायालयासमोर दाखल केली. त्यावरून न्यायालयाने कारणे दाखवा नोटीस बजावनाचा आदेश दिला होता. आज त्यावर सुनावणी होणार असून न्यायालयात काय निर्णय देते या कडे सर्वांच लक्ष लागलं आहे.