Crime News : पुण्यातून अहिल्यानगरला फिरायला नेलं, गर्लफ्रेंडचं शीर धडावेगळं केलं; कोयता घेऊन 4 किलोमीटर...

Crime News : अहमदनगरमध्ये धक्कादायक घटना घडली आहे, पुण्यातील गर्लफ्रेंडला बॉयफ्रेंडने कोयत्याने वार करत संपवले आहे. त्यानंतर स्वत:च पोलिसांत गेला. या प्रकरणी पोलिसांनी गुन्हा दाखल करून आरोपीला अटक केली.
Pune Crime News
Pune Crime NewsAI Photo
Published On

Pune Crime News : अंगाचा थरकाप उडवणारी घटना समोर आली आहे. एका तरूणाने रागाच्या भरात गर्लफ्रेंडवर कोयत्याने वार केला. तिचे शीर धडावेगळं केलं अन् त्यानंतर पोलिसांना फोन केला. रक्ताने माखलेल्या कोयत्यासह आरोपीला पोलिसांनी बेड्या ठोकल्या आहेत. प्रेमी युगुल पुण्यातील होते. फिरण्यासाठी ते राहुरीला गेले होते, तिथे दोघांमध्ये क्षुल्लक कारणांमुळे जोरदार वाद झाला. संतापलेल्या बॉयफ्रेंडने गर्लफ्रेंडवर कोयत्याने सपासप वार केले, त्यानंतर तिचे शीर धडावेगळे केले. वांबोरी परिसरातील (ता. राहुरी) विळद रोडवरील पिलेश्वर देवस्थान परिसरात असलेल्या गणपती मंदिरात जवळ बुधवारी (दि. 19) ही घटना घडली आहे. पैशांवरून दोघांमध्ये टोकाचा वाद झाल्याचे प्राथमिक माहितीमधून समोर आलेय.

सोनाली राजू जाधव असे मृत महिलेचे नाव आहे. तर आरोपी व्यक्तीचे नाव सखाराम धोंडिबा वालकोळी असे आहे. दोघांमध्ये अनेक दिवसांपासून प्रेमसंबंध होते. दोघेही आंबेगाव तालुक्यातील राहाणारे आहेत. फिरायला गेल्यानंतर पैशांवरून दोघांमध्ये वाद झाला. त्यातूनच रागाच्या भरात व्यक्तीने गर्लफ्रेंडवर कोयत्याने वार केला अन् शीर धडावेगळे केले. त्यानंतर स्वतःहून पोलिसांसमोर जाऊन खुनाची माहिती दिली. या घटनेने पुणे आणि परिसरात एकच खळबळ उडाली आहे.

Pune Crime News
Pune : गजा मारणेच्या टोळीची दादागिरी, तरूणाला रस्त्यात लाथा बुक्क्यांनी अन् पट्ट्याने बेदम मारहाण

या प्रकरणाचा राहुरी पोलीस स्टेशनमध्ये गुन्हा दाखल करण्यात आला आहे. आरोपी सखाराम हा गर्लफ्रेंड सोनालीसोबत बुधवारी वांबोरी परिसरातील पिलेश्वर देवस्थान मंदिर परिसरात गेला होता. यावेळी सोनालीने आरोपीकडे पैशांची मागणी केली. 'मला पैसे दे नाहीतर मी पोलिसात तक्रार करीन,' अशी धमकी तिने दिली. त्यानंतर दोघांमध्ये कडाक्याचे भांडण झाले. सखाराम याला राग अनावर आला, त्याने कोयत्याने सोनालीवर सपासप वार करत शीर धडावेगळं केले.

Pune Crime News
Accident : दुर्दैवी! दहावीच्या विद्यार्थ्यांचा मृत्यू, हॉल तिकीट आणायला गेला अन् काळाने घाला घातला

सोनालीचा जीव घेतल्यानंतर सखाराम ४ किमी चालत वांबोरी पोलिसात पोहचला. त्याने स्वत:हून पोलिसांना बोलावून घेतले अन् मी माझ्या प्रेयसीला ठार मारले. पोलिसांनी मृतदेह ताब्यात घेतला अन् पोस्टमार्टमसाठी आणला. आरोपी सखारामला ताब्यात घेतलेय.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com