राज्याचे हिवाळी अधिवेशन सध्या नागपूरमध्ये सुरू आहे. काल अधिवेशनात मराठा आरक्षणाच्या मुद्द्यावरुन चर्चा झाली. आरक्षणावरुन राज्यात सुरू असलेल्या मराठा- ओबीसी संघर्षावर विरोधक- सत्ताधाऱ्यांमध्ये जोरदार खडाजंगी झाली.
यावेळी राष्ट्रवादीचे नेते छगन भुजबळ यांनी जवळपास पाऊणतास सभागृहात त्यांचे मत मांडले. यावेळी त्यांनी मनोज जरांगेवर जोरदार टीका केली. भुजबळांच्या या टीकांना मनोज जरांगे पाटील यांनीही सडेतोड उत्तर दिले असून छगन भुजबळ हे विश्वासघातकी असल्याची टीका त्यांनी केली.
काय म्हणाले जरांगे पाटील?
" छगन भुजबळ यांच्या पोलिसांनी गोळी मारली जाईल, असा अहवाल दिल्याचा दावा केला होता. त्यांच्या या आरोपाला उत्तर देताना जरांगे पाटलांनी "अन्यायाविरुद्ध आवाज उठवला तर झुंडशाही म्हणत असाल तर त्याचे विचार किती प्रगलब आहे हे कळते. गावागावात आंदोलन उभे करायचे, कोयत्याची भाषा करायची, कोण तुला गोळी मारणार? असा टोला भुजबळांना लगावला.
तसेच ठकोण तो पोलीस सांगणार गोळी मारणार म्हणून? नाशिक, वाशिम, जळगाव, हिंगोलीत आम्हाला अनेक अडचणी आल्या,आम्ही सांगितल नाही. आम्हीच हताळले. आमच्या जीवाला धोका असा रिपोर्ट पोलिसांनी का दिलं नाही मग?" असा सवालही मनोज जरांगे पाटील (Manoj Jarange Patil) यांनी यावेळी केला.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
विश्वासघातकी माणूस...
"आमच्या दौऱ्याला पोलीस संरक्षण मिळत नव्हते. ३०, ३० किलोमीटर पोलीस नसायचे. याला (भुजबळ) स्वतः वरची केस मागे घ्यायची आहे. देवेंद्र फडणवीस (Devendra Fadanvis) यांनी याचा डाव समजला पाहिजे, हा विश्वास घातकी माणूस आहे. सरकार विरोधात सामान्य माणसाचा रोष वाढायला लागला..." असेही ते म्हणाले.
मराठा तरुणांवर अन्याय...
"फक्त क्लिप व्हायरल केली म्हणून मराठा तरुण अनेक महिन्यांपासून आतमध्ये आहे. एवढं काय केलं त्यांनी? त्याचे ऐकून तुम्ही मराठ्यांवर अन्याय करू लागले, हे माध्यमांतून घराघरात दिसून येत आहे.." असा आरोपही जरांगे पाटील सरकावर केला यांनी केला. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.