मराठा समाजाला ओबीसी दाखले देण्यास सरकारने हिरवा कंदील दाखवलाय. त्यामुळे राज्यात मराठा-ओबीसी वाद सुरू झाल्याचं दिसत आहे. हैदराबाद गॅझेटियर लागू करत मराठा समजाला ओबीसी दाखले द्यावेत अशी मागणी मनोज जरांगे पाटील यांनी केली होती. सरकारने त्याची मागणी मान्य त्याबाबत जीआर काढलाय. यानंतर ओबीसी नेते आक्रमक झालेत. सरकारच्या जीआरविरोधात ओबीसी नेते न्यायालयात याचिका दाखल करणार आहेत.

लक्ष्मण हाके देखील जागोजागी सभा घेत सरकारच्या निर्णयाचा विरोध करत आहेत. त्याचदरम्यान एक मोठी बातमी हाती आलीय. ओबीसी नेते लक्ष्मण हाके यांच्याविरोधात गुन्हा दाखल झालाय. जमाव जमवल्या प्रकरणी लक्ष्मण हाके आणि त्यांच्यासह समर्थकांवर गेवराई पोलीस ठाण्यात गुन्हा दाखल करण्यात आलाय. गेवराईच्या बाग पिंपळगाव येथे हाकेंच्या नेतृत्वाखाली सभेचे आयोजन केलं होतं.

यावेळी गेवराईसह बाग पिंपळगाव येथे लक्ष्मण हाके यांनी समर्थकांनी जमाव जमा केला. वाहतुकीस अडथळा निर्माण केल्याप्रकरणी लक्ष्मण हाके यांच्या सभेदरम्यान जमाव जमा करून वाहतुकीस अडथळा केला. जमाव जमा केल्याप्रकरणी गेवराई पोलीस ठाण्यात १७ समर्थकांवर गुन्हा दाखल करण्यात आलाय.