जुन्नर : जुन्नर तालुक्यातल्या नारायणगाव येथील बसस्थानका शेजारीच असणाऱ्या मते हॉस्पिटल मध्ये एका 81 वर्षीय जेष्ठ व्यक्तीवर शस्त्रक्रिया करून त्याचा पाय टाकण्यात आला होता. हा काढून टाकलेला पाय बुधवारी सकाळी ग्रामपंचायतीच्या कचरा गाडीत आढळून आला होता.

हे देखील पहा :

या घटनेनंतर तर्कवितर्कांना उधाण येऊन नारायणगाव परीसरात मोठी खळबळ उडाली होती. ग्रामस्थांमध्ये कोणाचा तरी खून झाल्याची चर्चा देखील पसरली होती. मात्र, यासंदर्भातील सविस्तर माहिती समोर आली आणि अखेर आज सकाळी नारायणगाव पोलिसांनी मते हॉस्पिटलचे डॉ.अजय मते यांच्यावर गुन्हा दाखल केला असून हलगर्जीपणाने साथरोग पसरवल्याचा ठपका ठेवला आहे.

पोलीस निरीक्षक विलास देशपांडे यांनी घटनास्थळी जाऊन पंचनामा केला आहे. मते हॉस्पिटलमध्ये 81 वर्षीय जेष्ठ नागरिकाला उपचारासाठी दाखल केले होते. पायाला गँगरीन झाल्यामुळे शस्त्रक्रिया करून त्या व्यक्तीचा पाय काढून टाकण्यात आला होता.

Edited By : Krushnarav Sathe